ପ୍ରେମିକକୁ ଗୁଳି କରି ହତ୍ୟା : ୩ ମାସ ପରେ କଙ୍କାଳ ଉଦ୍ଧାର
ପ୍ରେମିକକୁ ଗୁଳି କରି ହତ୍ୟା : ୩ ମାସ ପରେ କଙ୍କାଳ ଉଦ୍ଧାର
admin
1822
ରାୟଗଡ଼ା: ପ୍ରେମ ସମ୍ପର୍କକୁ କେନ୍ଦ୍ର କରି ରାୟଗଡ଼ା ଜିଲ୍ଲା ଚନ୍ଦ୍ରପୁର ଥାନା ଅନ୍ଧାଲିମା ଜଙ୍ଗଲରେ ବୀଭତ୍ସ ହତ୍ୟାକାଣ୍ଡ ଘଟିଛି । ଗୁଳି କରି ମନୋରଞ୍ଜନ ବଳିଆରସିଂ ନାମକ ଜଣେ ଯୁବକଙ୍କୁ ହତ୍ୟା କରିବା ପରେ ଅଭିଯୁକ୍ତମାନେ ମୃତଦେହକୁ ପାହାଡ଼ ଗୁମ୍ଫାରେ ପୋତି ଦେଇଥିଲେ । ହତ୍ୟାକାଣ୍ଡ ୩ ମାସ ପରେ ଚନ୍ଦ୍ରପୁର ପୁଲତସ ଗୁମ୍ଫା ଭିତରୁ ମନୋରଞ୍ଜନଙ୍କ କଙ୍କାଳକୁ ଉଦ୍ଧାର କରିଛି । ଏଥିସହ ହତ୍ୟାକାଣ୍ଡରେ ସମ୍ପୃକ୍ତି ନେଇ ଗୁଡ଼ାରି ଥାନା ପନକାବାଡ଼ି ରଘୁନାଇ ଭଟ୍ଟ, ବିଷମକଟକ ଥାନା ସିନ୍ଧିପଙ୍କା ଗ୍ରାମର ନକୁଳ ଦଣ୍ଡସେନା ଓ ଚନ୍ଦ୍ରପୁର ଥାନା ହନୁମନ୍ତପୁରର ଗଣେଶ୍ୱର ସାହୁଙ୍କୁ ଗିରଫ କରି କୋର୍ଟ ଚାଲାଣ କରିଛି । ପୁଲିସ ସୂଚନା ଅନୁଯାୟୀ, ବିଷମକଟକ ବ୍ଲକ ସିନ୍ଧିପଙ୍କା ଗ୍ରାମର ନକୁଳ ଦଣ୍ଡସେନାଙ୍କ ଭଉଣୀଙ୍କ କନ୍ଧମାଳ ଜିଲ୍ଲା କୋଟଗଡ଼ର ମନୋରଞ୍ଜନ ବଳିଆରସିଂହ ପ୍ରେମ କରୁଥିଲେ । ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ନିବିଡ଼ ହେବା ପରେ ପରିବାର ଲୋକ ଜାଣିବ ସହ ଏହାକୁ ବିରୋଧ କରି ଆସୁଥିଲେ । କିନ୍ତୁ ମନୋରଞ୍ଜନ ବାରମ୍ବାର ଗାଁକୁ ଆସି ନିଜ ପ୍ରେମିକାକୁ ଦେଖା କରୁଥିବାରୁ ନକୁଳ ନିଜ ଜ୍ୱାଇଁ ଓ ଜଣେ ସହେଯାଗୀଙ୍କ ସହ ମିଶି ମନୋରଞ୍ଜନଙ୍କୁ ସବୁଦିନ ପାଇଁ ରାସ୍ତାରୁ ହଟାଇବାକୁ ଯୋଜନା କରିଥିଲେ । ଯୋଜନା ମୁତାବକ ଜୁନ ମାସରେ ନକୁଳ ନିଜ ଜ୍ୱାଇଁ ରଘୁନାଥ ଓ ଗଣେଶ୍ୱର ମିଶି ମନୋରଞ୍ଜନଙ୍କୁ ଚନ୍ଦ୍ରପୁରରୁ ୩୦ କିମି ଦୂର ଅନ୍ଧାଲିମା ଜଙ୍ଗଲକୁ ଡାକି ନେଇଥିଲେ । ସେଠାରେ ଶିକାରୀ ବନ୍ଧୁକରୁ ଗୁଳି କରି ମନୋରଞ୍ଜନଙ୍କୁ ହତ୍ୟା କରିବା ପରେ ଧାରୁଆ ଅସ୍ତ୍ରରେ ଶରୀରକୁ କାଟି ଦେଇଥିଲେ । ପରେ ସଭିଏଁ ମିଶି ମନୋରଞ୍ଜନଙ୍କୁ ଜଙ୍ଗଲର ଏକ ପାହାଡ଼ ଗୁମ୍ଫାରେ ପୋତି ଦେଇଥିଲେ ।
