ପ୍ରାର୍ଥୀପତ୍ର ଦାଖଲର ଶେଷ ଦିନ ସୁଦ୍ଧା ୧୫ ଜଣଙ୍କ ନାମାଙ୍କନ , ଆଜି ପ୍ରାର୍ଥୀପତ୍ର ଯାଞ୍ଚ
ପ୍ରାର୍ଥୀପତ୍ର ଦାଖଲର ଶେଷ ଦିନ ସୁଦ୍ଧା ୧୫ ଜଣଙ୍କ ନାମାଙ୍କନ , ଆଜି ପ୍ରାର୍ଥୀପତ୍ର ଯାଞ୍ଚ
admin
4958
ପୁରୀ: ପିପିଲି ଉପନିର୍ବାଚନରେ ହେବ ବହୁମୁଖୀ ପ୍ରତିଦ୍ୱନ୍ଦ୍ୱିତା । ପ୍ରାର୍ଥୀପତ୍ର ଦାଖଲର ଶେଷ ଦିନ ସୁଦ୍ଧା ୧୫ ଜଣ ନାମାଙ୍କନ ଦାଖଲ କରିଛନ୍ତି । ସେଥିରୁ ୭ ଜଣ ବିଭିନ୍ନ ରାଜନୈତିକ ଦଳର ହୋଇଥିବା ବେଳେ ୮ ଜଣ ନିର୍ଦଳୀୟ ବୋଲି ଜଣାପଡ଼ିଛି । ବିଜୁ ଜନତା ଦଳ ପ୍ରାର୍ଥୀ ଭାବେ ରୁଦ୍ର ପ୍ରତାପ ମହାରଥୀ, କଂଗ୍ରେସ ପକ୍ଷରୁ ଅଜିତ ମଙ୍ଗରାଜ, ସିପିଆଇ (ଏମଏଲ) ଲିବରେସନ ପ୍ରାର୍ଥୀ ଭାବେ ଅଶୋକ କୁମାର ପ୍ରଧାନ, ଭାରତୀୟ ରିପବ୍ଲିକ ପାର୍ଟି ପକ୍ଷରୁ ମହମ୍ମଦ ଇମାମ ଉଦିନ, ଅଖିଳ ଭାରତୀୟ ହିନ୍ଦୁ ମହାସଭା ତରଫରୁ ଜୟପ୍ରକାଶ ସେଠୀ ଏବଂ କଳିଙ୍ଗ ସେନା ପ୍ରାର୍ଥୀ ଭାବେ ପିଙ୍କଲିନ ମହାନ୍ତି ପ୍ରାର୍ଥୀପତ୍ର ଦାଖଲ କରିଛନ୍ତି । ସେହିପରି ସ୍ୱାଧୀନ ପ୍ରାର୍ଥୀଭାବେ ସମ୍ବିତ କୁମାର ପଟ୍ଟନାୟକ, ସନ୍ତୋଷ କୁମାର ମହାପାତ୍ର, ସନ୍ତୋଷ କୁମାର ଦାସ, ଦୀପକ କୁମାର ଦାସ, ଡ.ନଗେନ୍ଦ୍ର ନାଥ ମିଶ୍ର, ସ୍ୱପ୍ନେଶ୍ୱର ନାୟକ, ସୁଲୋଚନା ସାହୁ, ପ୍ରିୟରଞ୍ଜନ ମିଶ୍ର ନାମାଙ୍କନ ପତ୍ର ଦାଖଲ କରିଛନ୍ତି । ପ୍ରାର୍ଥୀମାନେ ସମର୍ଥକଙ୍କ ସହ ଶୋଭାଯାତ୍ରାରେ ଯାଇ ଅତିରିକ୍ତ ଜିଲ୍ଲାପାଳ ତଥା ନିର୍ବାଚନ ଅଧିକାରୀ ପ୍ରଦୀପ କୁମାର ସାହୁଙ୍କ ନିକଟରେ ନାମାଙ୍କନ ଦାଖଲ କରିଥିଲେ । ଆଜି ପ୍ରାର୍ଥୀପତ୍ର ଯାଞ୍ଚ କରାଯିବ । ବିଜେପି ପ୍ରାର୍ଥୀ ଆଶି୍ରତଙ୍କ ସମେତ ସ୍ୱାଧୀନ ପ୍ରାର୍ଥୀ ସମ୍ବିତ ଓ ସନ୍ତୋଷ ୨୬ ତାରିଖ ଦିନ ନାମାଙ୍କନ ପତ୍ର ଦାଖଲ କରିଥିଲେ ।
