ପ୍ରଥମ ରାତି ଜେଲରେ ବିଚଳିତ ହେଲା ସରୋଜ
ପ୍ରଥମ ରାତି ଜେଲରେ ବିଚଳିତ ହେଲା ସରୋଜ
admin
4798
ଗତ ସୋମବାର ଦିନ ଗିରଫ ପରେ ପରୀ ହତ୍ୟା ଅଭିଯୁକ୍ତକୁ ସନ୍ଧ୍ୟାରେ ଜେଲ ପଠାଇ ଦିଆଯାଇଥିଲା । ପାଖାପାଖି ରାତି ୮ଟାରେ କ୍ରାଇମବ୍ରାଞ୍ଚ ପୁଲିସ ନୟାଗଡ଼ ଖୁଣ୍ଡୁବନ୍ଧ ସବଜେଲରେ ଅଭିଯୁକ୍ତକୁ ଛାଡ଼ିଥିଲା । ଅଭିଯୁକ୍ତକୁ ପ୍ରଥମ ରାତି ସାଧାରଣ କକ୍ଷରେ ରଖାଯାଇଥିଲା । ଅଭିଯୁକ୍ତର ବୟସ ଯଥେଷ୍ଟ କମ ଥିବାରୁ ତା ଉପରେ ନଜର ରଖିବାକୁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା । ତେବେ ପ୍ରଥମ ରାତିରେ ଅଭିଯୁକ୍ତ ବେଶ ବିଚଳିତ ହୋଇ ପଡ଼ିଥିବା ଜଣାଯାଇଛି । ଏପରିକି ବାରମ୍ବାର ଅନ୍ୟ କଏଦୀକୁ ‘ମୋତେ ଫାଶୀ ହୋଇଯିବ କି’ ବୋଲି ପଚାରିଥିଲା । ‘ତୁମେମାନେ କେଉଁ ମାମଲାରେ ଜେଲ ଭୋଗୁଛ, କେବେ ଘରକୁ ଯିବ’ ଭଳି ପ୍ରଶ୍ନ କରିଥିଲା । ତେବେ ଏହି ହତ୍ୟା ଅଭିଯୁକ୍ତ ଯଥେଷ୍ଟ ପରିମାଣରେ ଖାଦ୍ୟ ମାଗି ଖାଇଥିବା ଜଣାପଡ଼ିଛି । ୨୪ ତାରିଖ ସନ୍ଧ୍ୟାରେ ଅଭିଯୁକ୍ତର ରିମାଣ୍ଡ ଅବଧି ସରୁଛି । ଉକ୍ତ ଦିନ ସନ୍ଧ୍ୟାରେ ତାକୁ ପୁନର୍ବାର କୋର୍ଟର ହାଜର କରାଯିବା ପରେ ଜେଲ ପଠାଇ ଦିଆଯିବ ବୋଲି ଜଣାପଡ଼ିଛି ।
