ପ୍ରତିଷ୍ଠା ହେବ କଳାହାଣ୍ଡି ବିଶ୍ୱବିଦ୍ୟାଳୟ

Mar 7, 2019 - 06:22 Updated: Mar 7, 2019 - 06:22

3978

ଭୁବନେଶ୍ୱର :ଭବାନୀପାଟଣାରେ ପ୍ରତିଷ୍ଠା ହେବ କଳାହାଣ୍ଡି ବିଶ୍ୱବିଦ୍ୟାଳୟ । ପୂର୍ବ ଘୋଷଣା ମୁତାବକ ବୁଧବାର ରାଜ୍ୟ ସରକାରଙ୍କ ପକ୍ଷରୁ ଏନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ୧୯୮୯ର ଓଡିଶା ବିଶ୍ୱବିଦ୍ୟାଳୟ ଅଧିନିୟମ ଧାରା ୫ ଅନ୍ତର୍ଗତ ୩୨ ଉପଧାରାର ୧ ଓ ୨ ସୂଚି ବଳରେ ରାଜ୍ୟ ସରକାର ପାଇଥିବା କ୍ଷମତା ଆଧାରରେ ଏହି ନିଦେ୍ର୍ଧଶନାମା ଜାରି କରିଛନ୍ତି । ଉଚ୍ଚଶିକ୍ଷା ବିଭାଗର କମିସନର ତଥା ଶାସନ ସଚିବ ବିଷ୍ଣୁପଦ ସେଠୀଙ୍କ ଦ୍ୱାରା ୮୭୮୯ ନମ୍ବର ଚିଠି ଅନୁଯାୟୀ ସରକାର ମୂଳ ସମ୍ବଲପୁର ବିଶ୍ୱବିଦ୍ୟାଳୟର ଅଧୀନରେ ଆବଶ୍ୟକୀୟ ପରିବର୍ତନ କରି ଏହି ନୂତନ ବିଶ୍ୱବିଦ୍ୟାଳୟ ଗଠନ କରିବାକୁ ନିଷ୍ପତି ନେଇଛନ୍ତି । ଏହି ନିର୍ଦେଶନାମା ମାର୍ଚ୍ଚ ୬ ତଥା ବୁଧବାର ଠାରୁ କାର୍ଯ୍ୟକାରୀ ହୋଇଥିବା ଜଣାପଡିଛି ।