ପୁଣି ଥରେ ଚିଟଫଣ୍ଡ ମାମଲା କଡ଼ ଲେଉଟାଇଛି , ଏହି ବିଧାୟକଙ୍କୁ ଜେରା କଲା ସିବିଆଇ
ପୁଣି ଥରେ ଚିଟଫଣ୍ଡ ମାମଲା କଡ଼ ଲେଉଟାଇଛି , ଏହି ବିଧାୟକଙ୍କୁ ଜେରା କଲା ସିବିଆଇ
admin
1759
ଭୁବନେଶ୍ୱର : ପୁଣି ଥରେ ଚିଟଫଣ୍ଡ ମାମଲା କଡ଼ ଲେଉଟାଇଛି । ପୁଣି ଜଣେ ବିଜେଡ଼ି ବିଧାୟକଙ୍କୁ ସିବିଆଇ ଜେରା କରିଥିବା ଜାଣିବାକୁ ମିଳିଛି । ଫଳରେ ଏହାକୁ ନେଇ ରାଜନୈତିକ ମାହୋଲ ଚଳଚଂଚଳ ହୋଇଯାଇଛି ।
କେତେକ ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ଅର୍ଥତତ୍ୱ ଚିଟଫଣ୍ଡ ଦୁର୍ନୀତି ଅଭିଯୋଗରେ ଜଗତସିଂହପୁର ଜିଲ୍ଲାର ଜଣେ ବିଧାୟକଙ୍କୁ ସିବିଆଇ ଜେରା କରିଛି । ବିଧାୟକଙ୍କ ବାପା କ୍ଷମତାରେ ଥିବାବେଳେ ଏଟି ପକ୍ଷରୁ ଏକ କାର ଉପହାର ଆକାରରେ ପାଇଥିଲେ । ସିବିଆଇ ଏହା ଜାଣିବା ପରେ ବିଧାୟକଙ୍କୁ ନୋଟିସ କରିଥିଲା । ନୋଟିସ ପାଇବା ପରେ ବିଧାୟକ ସମସ୍ତ କାଗଜପତ୍ର ସହ ସିବିଆଇରେ ହାଜର ହୋଇଥିବା ଜଣାପଡ଼ିଛି । ତାଙ୍କୁ ୩ ଘଂଟା ଧରି ଜେରା କରାଯାଇଥିଲା । ତେବେ ସେ କୌଣସି ସନ୍ତୋଷଜନକ ଉତର ଦେଇପାରିନଥିଲେ ବୋଲି ଚର୍ଚ୍ଚା ହେଉଛି । ଅନେକ ବର୍ଷ ପରେ ସିବିଆଇ ପୁଣି ଚିଟଫଣ୍ଡ ଘଟଣାରେ ଜୋରଦାର ଖୋଳତାଡ଼ ଆରମ୍ଭ କରିଥିବାରୁ ତାହା ଏବେ ଚର୍ଚ୍ଚାର ବିଷୟ ପାଲଟିଛି । ପୂର୍ବରୁ ମଧ୍ୟ ଚିଟଫଣ୍ଡ ଠକେଇ ମାମଲାରେ ବିଜେଡ଼ି, ବିଜେପି ଓ କଂଗ୍ରେସ ନେତାମାନେ ସିବିଆଇ ଜେରାର ସମ୍ମୁଖୀନ ହୋଇସାରିଥିବାବେଳେ କେତେକଙ୍କୁ ଗିରଫ ମଧ୍ୟ କରାଯାଇଛି ।
