ପୁଣି ଚାଲିଲା କ୍ୟାଣ୍ଟିନ: ମିଳୁଛି ବରା, ସିଙ୍ଗଡ଼ା, ଚା, କଫି
ପୁଣି ଚାଲିଲା କ୍ୟାଣ୍ଟିନ: ମିଳୁଛି ବରା, ସିଙ୍ଗଡ଼ା, ଚା, କଫି
admin
2674
ଲକଡାଉନରେ କିଛି ମାସ କ୍ୟାଣ୍ଟିନ ବନ୍ଦ ରହିବା ପରେ ଏବେ ପୁଣି ସ୍ୱାଭାବିକ ହୋଇଛି । ପୂରା ଦମରେ କ୍ୟାଣ୍ଟିନ ଚାଲିଥଥିବା ବେଳେ କଏଦୀଙ୍କ ପାଇଁ ଭଳିକି ଭଳି ଖାଦ୍ୟ ଉପଲବ୍ଧ ହେଉଛି । ସକାଳ ଓ ସନ୍ଧ୍ୟାରେ ଜଳଖିଆ ମିଳୁଛି । ଜଳଖିଆରେ ଇଟିଲି, ବରା, ଆଳୁଚପ, ସିଙ୍ଗଡ଼ା ରହିଛି । ଗୋଟିଏ ପିସର ଦାମ ୫ ଟଙ୍କା ରହିଛି । ଘୁଗୁନି ବିନା ମୂଲ୍ୟରେ ଦିଆଯାଉଛି । ଚା’ଓ କଫିର ମଧ୍ୟ ବ୍ୟବସ୍ଥା ରହିଛି । ଏହାର ଦାମ ୫ ଟଙ୍କର ରହିଛି । ଆଗକୁ ଦୋଷା, ଭେଜିଟେବୁଲ ଚପ ଉପଲବ୍ଧ ହେବ ବୋଲି ଜଣାପଡ଼ିଛି । ସକାଳ ୭ଟାରୁ ୧୦ଟା ଏବଂ ଅପରାହ୍ନ ୩ଟାରୁ ସାଢେ଼ ୫ଟା ପର୍ଯ୍ୟନ୍ତ କ୍ୟାଣ୍ଟିନ ଖୋଲା ରହୁଛି । ଜେଲ ବିଭାଗ ପକ୍ଷରୁ କ୍ୟାଣ୍ଟିନ ଚଲା ଯାଉଥିବା ବେଳେ ଏହାର ଲାଭାର୍ଥ କଏଦୀଙ୍କ ସ୍ୱାସ୍ଥ୍ୟ ଓ କଲ୍ୟାଣରେ ବିନିଯୋଗ କରାଯାଉଛି । ଦୂରାରୋଗ୍ୟରେ ପୀଡ଼ିତ ଥିବା କଏଦୀଙ୍କ ଚିକିତ୍ସା ଖର୍ଚ୍ଚ ମଧ୍ୟ କରାଯାଉଛି । ପ୍ରାଣ ହରାଉଥିବା କଏଦୀଙ୍କର ପିଲାମାନେ ଭଲ ପାଠ ପଢ଼ୁଥିଲେ, ସେମାନଙ୍କ ଶିକ୍ଷା ପାଇଁ ମଧ୍ୟ ଲାଭାର୍ଥ ଖର୍ଚ୍ଚ ହେଉଥିବା ଅଧୀକ୍ଷକ ଶ୍ରୀ ବାରିକ ସୂଚନା ଦେଇଛନ୍ତି ।
