ପୁଅକୁ ଜେଲରୁ ବାହାର କରିବା ପାଇଁ ୩୫ ଫୁଟର ସୁଡଙ୍ଗ ଖୋଳିଲା ମା’
ପୁଅକୁ ଜେଲରୁ ବାହାର କରିବା ପାଇଁ ୩୫ ଫୁଟର ସୁଡଙ୍ଗ ଖୋଳିଲା ମା’
admin
3851
ୟୁକ୍ରେନ୍ : ନିଜ ସନ୍ତାନଙ୍କୁ ବଞ୍ଚାଇବା ପାଇଁ ପିତା ମାତା କେଉଁ ସ୍ତରକୁ ବି ଯାଇ ପାରନ୍ତି । ଏହାର ଏକ ଉଦାହରଣ ୟୁକ୍ରେନ୍ରେ ଦେଖିବାକୁ ମିଳିଛି । ନିଜ ପୁଅକୁ ଜେଲରୁ ବାହାର କରିବା ନିମନ୍ତେ ଜଣେ ମହିଳା ଏକ ୩୫ ଫୁଟର ସୁଡଙ୍ଗ ଖୋଳିଛନ୍ତି । ତେବେ ମହିଳାଙ୍କ ଏହି ପ୍ରୟାସ ବ୍ୟର୍ଥ ଯାଇଛି ଏବଂ ମହିଳା ଜଣଙ୍କ ବର୍ତ୍ତମାନ ଜେଲରେ ରହିଛନ୍ତି । ୟୁକ୍ରେନ୍ର ଜାପୋରିଝିଆ ଅଞ୍ଚଳରେ ଅବସ୍ଥାନ କରୁଥିବା ଏହି ମହିଳାଙ୍କ ପୁଅ ଏକ ହତ୍ୟା ମାମଲାରେ ଆଜୀବନ କାରାଦଣ୍ଡ ଭୋଗୁଛନ୍ତି । ନିଜ ପୁଅକୁ ଜେଲ୍ରୁ ମୁକ୍ତ କରିବା ପାଇଁ ଏହି ୫୧ ବର୍ଷୀୟ ମହିଳା ଜଣକ ଏକ ୩୫ ଫୁଟର ସୁଡଙ୍ଗ ଖୋଳିଥିଲେ । ତେବେ ଜେଲ ଅଧିକାରୀଙ୍କୁ ଏହି ଘଟଣା ସମ୍ପର୍କରେ ଜଣା ପଡିବା ପରେ ମହିିଳାଙ୍କୁ ଗିରଫ କରାଯାଇଛି ।
ମହିଳା ଜଣଙ୍କ ଜେଲ୍ ନିକଟରେ ଏକ ଘର ଭଡା ନେଇଥିଲେ । ଦିନ ଯାକ ଘରେ ରହିବା ସହିତ ସନ୍ଧ୍ୟା ସମୟରେ ଖନନ କାର୍ଯ୍ୟ ଆରମ୍ଭ କରୁଥିଲେ । ଏପରି କରିବା ସହିତ ମହିଳା ଜଣକ ଜେଲ୍ ନିକଟରେ ପହଞ୍ଚି ଯାଇଥିଲେ । ତେବେ ଜେଲ୍ କାନ୍ଥ ପୂର୍ବରୁ ମହିଳାଙ୍କୁ ଗିରଫ କରାଯାଇଥିଲା । ନିଜ ସନ୍ତାନକୁ ମୁକ୍ତ କରିବା ପାଇଁ ମହିଳାଙ୍କ ଏହି ଉଦ୍ୟମକୁ ସୋସିଆଲ ମିଡିଆରେ ବେଶ ପ୍ରଶଂସା କରାଯାଇଛି ।
