ପୀତାମ୍ବରଙ୍କଠୁ ହାରିଲେ ନବୀନ!
ପୀତାମ୍ବରଙ୍କଠୁ ହାରିଲେ ନବୀନ!
admin
2397
ଭୁବନେଶ୍ୱର : ଶୀର୍ଷକଟି ନିଶ୍ଚିତ ଭାବେ ସମସ୍ତଙ୍କୁ ଚକିତ କରିଦେବ । ମନରେ ପ୍ରଶ୍ନ ଉଠିପାରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ତ ହିଞ୍ଜିଳିରୁ ୬୦ ହଜାରରୁ ଉଦ୍ଧ୍ୱର୍ ଭୋଟରେ ବିଜୟୀ ହୋଇଛନ୍ତି । ତେବେ ବିଜେପି ବିଧାୟକ ପ୍ରାର୍ଥୀ ପୀତାମ୍ବର ଆଚାର୍ଯ୍ୟ ଜିତିଲେ କେମିତି ? ୨୦୧୯ ନିର୍ବାଚନରେ ନବୀନ ୯୪୦୬୫ ଖଣ୍ଡ ଭୋଟ ପାଇଥିବାବେଳେ ପୀତାମ୍ବର ଆଚାର୍ଯ୍ୟ ପାଇଛନ୍ତି ୩୩୯୦୫ । ମୋଟ ଫଳାଫଳ ଦେଖିଲେ ନବୀନ ବହୁ ଭୋଟରେ ଜିତିଛନ୍ତି । ତେବେ ଏହାର ଦୁଇଟି ଗୁରୁତ୍ୱପୂର୍ଣ୍ଣ ଦିଗ ରହିଛି । ପ୍ରଥମ ଥର ପାଇଁ ନବୀନଙ୍କ ବିରୋଧରେ ଲଢ଼ି ପାଖାପାଖି ୩୪ ହଜାର ଅର୍ଥାତ ୨୩.୯୧% ଭୋଟ ପାଇବାରେ ପୀତାମ୍ବର ସକ୍ଷମ ହୋଇଛନ୍ତି । ଅନ୍ୟ ଏକ ଗୁରୁତ୍ୱପୂର୍ଣ୍ଣ ଦିଗଟି ହେଉଛି ପୋଷ୍ଟାଲ ଭୋଟ । ପ୍ରଥମେ ପୋଷ୍ଟାଲ ଭୋଟ ଗଣତି କରାଯାଇଥାଏ । ତେବେ ନବୀନଙ୍କ ତୁଳନାରେ ପୀତାମ୍ବର କିନ୍ତୁ ଅଧିକ ପୋଷ୍ଟାଲ ଭୋଟ ପାଇଛନ୍ତି । ମୋଟ ୩୪୯ ପୋଷ୍ଟାଲ ଭୋଟ ମଧ୍ୟରୁ ପୀତାମ୍ବରଙ୍କୁ ୧୭୭ଟି ଭୋଟ ମିଳିଥିବାବେଳେ ନବୀନ କିନ୍ତୁ ୧୫୬ ଭୋଟ ପାଇଛନ୍ତି । ଫଳରେ ପୋଷ୍ଟାଲ ଭୋଟରେ ନବୀନଙ୍କୁ ପୀତାମ୍ବର ମାତ ଦେଇଛନ୍ତି କହିଲେ ଦ୍ୱିମତ ହେବାର ନାହିଁ । ଅବଶ୍ୟ ହିଞ୍ଜିଳି ଫଳାଫଳ ନବୀନଙ୍କୁ ବ୍ୟଥିତ କରିଥିବାବେଳେ ଏନେଇ ହିଞ୍ଜିଳି ବିଜେଡ଼ି ନେତାମାନେ ମାନସମନ୍ଥନ ଆରମ୍ଭ କରିଦେଇଛନ୍ତି । ନବୀନଙ୍କ ବିଜୟ ବ୍ୟବଧାନ ଲକ୍ଷେ ହେବବୋଲି ହିଞ୍ଜିଳିର ବିଜେଡ଼ି ନେତାମାନେ ଦଳର ସୁପ୍ରିମୋଙ୍କୁ ଟାର୍ଗେଟ ଦେଇଥିଲେ ।
