ପାଞ୍ଚ ମାସ ପରେ ନେଟ୍ସକୁ ଯିବା ବେଳେ ଡର ଆସିଥିଲା: କୋହଲି
ପାଞ୍ଚ ମାସ ପରେ ନେଟ୍ସକୁ ଯିବା ବେଳେ ଡର ଆସିଥିଲା: କୋହଲି
admin
2743
ନୂଆଦିଲ୍ଲୀ: ରୟାଲ ଚାଲେଞ୍ଜର୍ସ ବାଙ୍ଗାଲୋର (ଆରସିବି) ଓ ଭାରତୀୟ ଅଧିନାୟକ ବିରାଟ କୋହଲି ୫ ମାସର ବିରତି ପରେ ପ୍ରଥମ ଥର ନେଟ୍ସକୁ ଓହ୍ଲାଇଛନ୍ତି । ତେବେ ଆଇପିଏଲ ପୂର୍ବରୁ ପ୍ରଥମ ଅଭ୍ୟାସ ଶିବିରରେ ଯାହା ଆଶା କରିଥିଲେ, ତାହାଠୁ ଅଧିକ ଭଲ ହୋଇପାରିଥିବା ସେ କହିଛନ୍ତି । ତଥାପି ଦୀର୍ଘ ସମୟ ଧରି ବ୍ୟାଟ ଧରି ନଥିବାରୁ ନେଟ୍ସକୁ ଯିବା ବେଳେ ଡର ଲାଗିଥିବା କୋହଲି ଆରସିବି ୱେବସାଇଟକୁ ଦେଇଥିବା ସାକ୍ଷାତକାରରେ କହିଛନ୍ତି । କୋହଲିଙ୍କ ଦକ୍ଷିଣ ଆଫି୍ରକୀୟ ଦ୍ରୁତ ବୋଲର ଡେଲ ଷ୍ଟେନ ଓ ଦଳର ନିଦେ୍ର୍ଧଶକ ମାଇକ ହେସନ ମଧ୍ୟ ଅଭ୍ୟାସ ଶିବିରରେ ଯୋଗ ଦେଇଛନ୍ତି ।
କୋହଲିଙ୍କ ଅନୁଯାୟୀ, ତାଲାବନ୍ଦ ସମୟରେ ମାତ୍ର ଅଳ୍ପ କିଛି ସମୟ ପାଇଁ ସେ ଅଭ୍ୟାସ କରିଥିଲେ । ଯେଉଁଥିପାଇଁ ବଲକୁ ସାମ୍ନା କରିବାକୁ ସେ ପ୍ରସ୍ତୁତ ହୋଇପାରିଥିଲେ । ଯେହେତୁ ଶରୀର ହାଲକା ରହିଛି, ତେଣୁ ବଲକୁ ପ୍ରହାର କରିବା ସହଜ ହୋଇଯାଇଥିଲା । ବଲକୁ ମାରିବାକୁ ସମୟ ମିଳିଯାଉଥିବା ଭଳି ମନେ ହେଉଥିଲା । ନଚେତ ଏତେ ଦିନ ପରେ ଅଭ୍ୟାସକୁ ସେମିତି ଆସିଲେ ବଲକୁ ସାମ୍ନା କରିବା କଠିନ ହୋଇଯିବ । ଶରୀର ମଧ୍ୟ ଠିକ ଭାବେ ଗତିଶୀଳ ହୋଇପାରିବନି । ଯାହା ଦ୍ୱାରା ମାନସିକ ସ୍ତରରେ ଚାପ ବଢ଼ିଯିବ । କିନ୍ତୁ ନେଟ୍ସରେ ଖେଳିବା ପରେ ଯାହା, ଆଶା ରଖିଥିଲି, ତାହାଠୁ ଭଲ ଖେଳିପାରିଥିବା କୋହଲି କହିଛନ୍ତି ।
