ପରକୀୟା ପ୍ରୀତିରୁ ଡବଲ ମର୍ଡର

Apr 7, 2021 - 05:54 Updated: Apr 7, 2021 - 05:54

2176

ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ଡଙ୍ଗିରିପଦର ଗାଁରେ ଗତକାଲି ବିଳମ୍ବିତ ରାତିରେ ଦମ୍ପତିଙ୍କୁ ଟାଙ୍ଗିଆରେ ହାଣି ହତ୍ୟା ଘଟଣା ଚାଞ୍ଚଲ୍ୟ ସୃଷ୍ଟି କରିଛି । ଡଙ୍ଗିରିପଦର ଗ୍ରାମର ନକୁଳ କହଁର ନାମକ ଜଣେ ଅଭିଯୁକ୍ତ ଦମ୍ପତିକୁ ହତ୍ୟା କରିଥିବା ବେଳେ ଏଥିରେ ପଡେ଼ାଶୀ ଚକ୍ରଧର କହଁର ଏବଂ ତାଙ୍କ ପତ୍ନୀ ଶଙ୍କି କହଁର ପ୍ରାଣ ହରାଇଛନ୍ତି । ଏ ନେଇ ଫିରିଙ୍ଗିଆ ଥାନାରେ କେସ ନଂ ୪୩/୨୧ ରୁଜୁ ହୋଇଛି । ତଦନ୍ତ ଜାରି ରହିଛି ଏବଂ ହତ୍ୟା ପଛର ସଠିକ କାରଣ ଜଣାପଡ଼ିବ ବୋଲି ଫିରିଙ୍ଗିଆ ଥାନା ଅଧିକାରୀ ପି.ଏସ. ରାଓ ସୂଚନା ଦେଇଛନ୍ତି । ସୂଚନା ପ୍ରକାରେ, ପତି ପତ୍ନୀ ଘରେ ଶୋଉଥିବା ବେଳେ ତାଙ୍କ ପଡେ଼ାଶୀ ଅଭିଯୁକ୍ତ ନକୁଳ ଉତକ୍ଷିପ୍ତ ହୋଇ ଏକ ଟାଙ୍ଗିଆରେ ଚକ୍ରଧର ଓ ଶଙ୍କିଙ୍କ ମୁଣ୍ଡକୁ ଶକ୍ତ ଚୋଟ ପକାଇଥିଲା । ଘଟଣାସ୍ଥଳରେ ଉଭୟ ପ୍ରାଣ ହରାଇଥିଲେ । ହତ୍ୟାକାଣ୍ଡ ପଛର ପରକୀୟା ପ୍ରୀତି ଥିବା କଥା ପୁଲିସ ଅନୁମାନ କରୁଛି ।