ପଡୋଶୀ ଦମ୍ପତ୍ତିଙ୍କୁ ହତ୍ୟା କରିବା ପରେ ବିଷ ଖାଇ ଆତ୍ମହତ୍ୟା କଲେ ଯୁବକ
ପଡୋଶୀ ଦମ୍ପତ୍ତିଙ୍କୁ ହତ୍ୟା କରିବା ପରେ ବିଷ ଖାଇ ଆତ୍ମହତ୍ୟା କଲେ ଯୁବକ
admin
4585
ଦିଲ୍ଲୀ : ଜଣେ ପଡୋଶୀ ଅନ୍ୟ ଜଣେ ପଡୋଶୀଙ୍କ ଘରେ ପଶି ରକ୍ତର ଖେଳ ଖେଳିଛି । ବିହାରର ଦୁଇ ପରିବାରର ଦିଲ୍ଲୀରେ ଦୁଇ ପଡୋଶୀ ଭାବେ ରହୁଥିବାବେଳେ ଜଣେ ପଡୋଣୀ ଅନ୍ୟ ଦୁଇ ପଡୋଶୀଙ୍କର ଗଳା କାଟି ହତ୍ୟା କରିବା ସହ ନିଜେ ମଧ୍ୟ ବିଷ ଖାଇ ଆତ୍ମହତ୍ୟା କରିଛନ୍ତି । ଏଭଳି ଏକ ଆଶ୍ଚର୍ୟ୍ୟଜନକ ଘଟଣା ଦିଲ୍ଲୀର ନରେଲା ଥାନା କ୍ଷେତ୍ରରେ ଘଟିଛି । ଦିଲ୍ଳୀର ନରେଲା ଥାନା ଅଞ୍ଚଳରେ ରହୁଥିବା ବାଙ୍କନେର୍ ଗ୍ରାମର ସ୍ବାମୀ –ସ୍ତ୍ରୀଙ୍କର ଗଳା କାଟି ହତ୍ୟା କରାଯାଇଛି । ହତ୍ୟାକାରୀ ଜଣକ ହତ୍ୟା କରିବା ପରେ ବିଷ ଖାଇ ଆତ୍ମହତ୍ୟା କରିଛି । ମିଳିଥିବା ସୂଚନା ଅନୁସାରେ ବିହାରର ମୂଳ ନିବାସୀ ଦୁଇ ଜଣ ଦିଲ୍ଲୀରେ ଦୁହେଁ ଦୁଇଜଣ ପଡୋଶୀ ଭାବେ ଅବସ୍ଥାନ କରୁଥିଲେ । ଦୁହେଁ ଦିଲ୍ଲୀରେ ଭଡାରେ ରହୁଥିଲେ । ହତ୍ୟା କରିଥିବା ଅଭିଯୁକ୍ତ ଜଣକ ହେଉଛନ୍ତି ମୋହମ୍ମ ମୁସ୍ତାକ୍ । ମୃତ୍ୟୁବରଣ କରିଥିବା ସ୍ବାମୀ-ସ୍ତ୍ରୀ ହେଉଛନ୍ତି ମୋହମ୍ମଦ ହାସିମ୍ ଓ ମିନ୍ନତ ଖାତୁମ୍ ।
ଗତକାଲି ସନ୍ଧ୍ୟାରେ ମୋହମ୍ମଦ ହାସିମ୍ ଓ ମିନ୍ନତ ଖାତୁମ୍ ନିଜ ଘରେ ଶୋଇଥିବାବେଳେ ମୁସ୍ତାକ୍ ଆସି ଜୋର୍ରେ ଗେଟ୍ ବାଡେଇଥିଲେ । ଯେତେବେଳେ କେହି ଗୋଟ୍ ଖୋଲି ନଥିଲେ । ରାଗରେ ମୁସ୍ତାକ୍ ଗେଟ୍ ତାଡି ଘରେ ପଶି ଘରେ ଶୋଇଥିବା ମୋହମ୍ମଦ ହାସିମ୍ ଓ ମିନ୍ନତ ଖାତୁମଙ୍କର ଗଳା କାଟି ହତ୍ୟା କରିଥିଲା । ମୁସ୍ତାକ ଦୁହିଁଙ୍କ ହତ୍ୟା କରିବା ପରେ ନିଜେ ବିଷ ଖାଇ ଆତ୍ମହତ୍ୟା କରିଥିବାର ସୂଚନା ରହିଛି । ମୁସ୍ତାକକୁ ହସ୍ପିଟାଲ ନେବା ବାଟରେ ସେ ମୃତ୍ୟୁବରଣ କରିଛି । ମୁସ୍ତାକ ଜଣେ ଇ-ରିକ୍ସା ଚାଳକ ଥିବାବେଳେ ତାଙ୍କ ବୟସ ୫୦ ବର୍ଷ ବୋଲି ସୂଚନା ରହିଛି । ସେହିପରି ମୋହମ୍ମଦ ହାସିମ୍ ଜଣେ ମେକାନିକ୍ର କାମ କରୁଥିଲେ । ଛୋଟ ପିଲାଙ୍କ ସାମ୍ନାରେ ମା-ବାପାଙ୍କ ହତ୍ୟା କରିଥିଲା ମୁସ୍ତାକ । ତେବେ ପୋଲିସ୍ ଶବକୁ ପୋଷ୍ଟମର୍ଟମ୍ ପାଇଁ ପଠାଇ ତଦନ୍ତ ଆରମ୍ଭ କରିଛି । ତେବେ କେଉଁ କାରଣର ଯୋଗୁଁ ପଡୋଶୀ ଜଣକ ଏପରି ଜଘନ୍ୟ କାଣ୍ଡ ଘଟାଇଲେ, ତାହା ଜଣାପଡିନାହିଁ ।
