ନୃସିଂହନାଥ ମନ୍ଦିରରେ ମକର ସଂକ୍ରାନ୍ତି ଭୀଡ
ନୃସିଂହନାଥ ମନ୍ଦିରରେ ମକର ସଂକ୍ରାନ୍ତି ଭୀଡ
admin
3759
ପଦ୍ମପୁର (ନିରଂଜନ ତ୍ରିପାଠୀ) - ପ୍ରସିଦ୍ଧ ତୀର୍ଥକ୍ଷେତ୍ର ଶ୍ରୀ ଶ୍ରୀ ନୃସିଂହନାଥ ମନ୍ଦିରରେ ମକର ସଂକ୍ରାନ୍ତି ଉପଲକ୍ଷେ ଆଜି ବ୍ଯାପକ ଭୀଡ ହୋଇଥିଲା। ବରଗଡ, ବଲାଙ୍ଗୀର,କଳାହାଣ୍ଡି ଜିଲ୍ଲା ସମେତ ଛତିଶଗଡ ରାଜ୍ୟ ହଜାର ହଜାର ମହିଳା ପୁରୁଷ ଭକ୍ତଙ୍କ ଜନ ସମାଗମ ହୋଇ ଉଠିଥିଲା। ପବିତ୍ର ପାପ ହାରିଣୀ ଝରଣାରେ ମକର ସଂକ୍ରାନ୍ତି ଅବସରରେ ଭକ୍ତ ମାନେ ବୁଡ ପକାଇ ମହା ପ୍ରଭୁଙ୍କୁ ଦର୍ଶନ କରି ଆର୍ଶୀବାଦ ଭିକ୍ଷା କରିଥିଲେ। ମକର ସଂକ୍ରାନ୍ତି ଉପଲକ୍ଷେ ସ୍ବତନ୍ତ ଯଥା ରୀତିନୀତି ରେ ମହାପ୍ରଭୁ ନୃସିଂହ ଠାକୁରଙ୍କ ଠାରେ ପୂଜାର୍ଚ୍ଚନା କରାଯାଇଥିଲା। ବାସନା ଚାଉଳ, ଗୁଡ, ରାଶି, ଖୁଆ, କଦଳୀ, ଆଖୁ, କ୍ଷୀର ଆଦିରେ ମକର ଚାଉଳରେ ପ୍ରସ୍ତୁତି କରାଯାଇ ସ୍ବତନ୍ତ ଭାବେ ମହାପ୍ରଭୁ ଙ୍କ ଠାରେ ଭୋଗ ଲାଗି କରାଯାଇଥିଲା। ଏହା ସହିତ ମିଠା, ଖିଚୋଡି, ମୁଗସିଝା,ଆଦି ମଧ୍ଯ ଅର୍ପଣ କରାଯାଇ ସମସ୍ତ ଭକ୍ତ ମାନଙ୍କୁ ବଣ୍ଟନ କରାଯାଇଥିଲା। ଏ ଉପଲକ୍ଷେ ମନ୍ଦିର ପ୍ରଶାସନ ତରଫରୁ ଆଗତୁରା ପଦକ୍ଷେପ ନିଆଯାଇ ଥିଲା।
