ନୂତନ ଏମଏସପି ସହିତ ଟୋକନ ଜରିଆରେ କିଣାଯିବ ଧାନ
ନୂତନ ଏମଏସପି ସହିତ ଟୋକନ ଜରିଆରେ କିଣାଯିବ ଧାନ
admin
3272
ଭୁବନେଶ୍ୱର: ଚାଷୀଙ୍କ ଠାରୁ ଖରିଫ ଧାନ କିଣିବା ପାଇଁ ରାଜ୍ୟ ସରକାର ଅଣ୍ଟା ଭିଡ଼ିଛନ୍ତି । ରାଜ୍ୟରେ ଯେଉଁ ଅଞ୍ଚଳରେ ଧାନ ଅମଳ ଆରମ୍ଭ ହେଲାଣି ସେଠାରେ ନଭେମ୍ବର ୧୫ ତାରିଖ ପର୍ୟ୍ୟନ୍ତ ଧାନ ସଂଗ୍ରହ କରାଯିବ । ଏହାଛଡ଼ା ଅନ୍ୟ ଯେଉଁ ଅଞ୍ଚଳରେ ଧାନ ଅମଳ ହେବାରେ ବିଳମ୍ବ ହୋଇଛି ସେଠାରେ ନଭେମ୍ବର ୧୬ରୁ ୩୦ ତାରିଖ ପର୍ୟ୍ୟନ୍ତ ଧାନ ସଂଗ୍ରହ କରାଯିବ । ତେବେ ଏଥିରେ ବି ଧାନ କିଣା ପାଇଁ ଅଗ୍ରୀମ ଟୋକନ ବ୍ୟବସ୍ଥା କରାଯାଇଛି ।
ଏ ବର୍ଷ ଧାନ ବିକି୍ର ପାଇଁ ମୋଟ ୧୪ ଲକ୍ଷ ୯୭ ହଜାର ଚାଷୀ ପଞ୍ଜିକରଣ କରିଛନ୍ତି । ଧାନ ସଂଗ୍ରହ ପାଇଁ ଧାର୍ୟ୍ୟ ତାରିଖର ୭ ଦିନ ପୂର୍ବରୁ ଟୋକନ ଜେନେରେଟ ହେବ । କେଉଁ ଦିନ କେଉଁ ଚାଷୀ ଧାନ ବିକିବେ ଧାନ ସଂଗ୍ରହ କେନ୍ଦ୍ରରେ ନୋଟିସ ଲାଗିବ । ବିକ୍ରୟ କେନ୍ଦ୍ରରେ ନୋଟିସ ସହ ଚାଷୀଙ୍କ ମୋବାଇଲକୁ ମଧ୍ୟ ମେସେଜ ଯିବ । ଏକର ପିଛା ଜଳସେଚିତ ଜମିରୁ ୧୯ ଓ ଅଣ ଜଳସେଚିତ ଜମିରୁ ୧୨ କ୍ୱିଣ୍ଟାଲ କିଣାଯିବ । କେହି ଟୋକନ ପାଇନଥିଲେ ୧୯୬୭ ଟୋଲ ଫ୍ରି ନମ୍ବରକୁ ଜଣାଇ ପାରିବେ । କେଉଁ ଜିଲ୍ଲାରେ କେବେ କିଣା ଆରମ୍ଭ ହେବ ତାହା ପ୍ରୋକୁ୍ୟରମେଣ୍ଟ କମିଟି ସ୍ଥିର କରିବେ । ପଶ୍ଚିମ ଓଡ଼ିଶା ଜିଲ୍ଲାଗୁଡ଼ିକରେ ନଭେମ୍ବର ୧୫ ମଧ୍ୟରେ ଧାନ ସଂଗ୍ରହ କରାଯିବ । ଜିଲ୍ଲା ପାଇଁ ପି ପାସ ଥିବାବେଳେ ଇଣ୍ଟରନେଟ ନଥିବା ୫୦ ବ୍ଲକରେ ଅଫଲାଇନ ବ୍ୟବସ୍ଥା କରାଯାଇଛି ।
ଅନ୍ୟପକ୍ଷରେ ଚଳିତ ବର୍ଷ ନୂଆ ଏମଏସପିରେ ଧାନ କିଣାଯିବାକୁ ନିଷ୍ପତ୍ତି ନିଆଯାଇଛି । ଏଫଏକୁ୍ୟ ମାନର ଧାନ କ୍ୱିଣ୍ଟାଲ ପିଛା ୧୮୬୮ ଟଙ୍କା ଧାର୍ୟ୍ୟ କରାଯାଇଥିବାବେଳେ ଗ୍ରେଡ ଏ’ ମାନର ଧାନ କ୍ୱିଣ୍ଟାଲ ପିଛା ୧୮୮୮ ଟଙ୍କାରେ କିଣିବାକୁ ନିଷ୍ପତ୍ତି ନିଆଯାଇଛି । ଧାନ କିଣା ନେଇ ଯୋଗାଣ ନିଗମ ପରିଚାଳନା ନିଦେ୍ର୍ଧଶକ ଏହି ସୂଚନା ଦେଇଛନ୍ତି ।
