ନାବାଳିକାକୁ ଦୁଷ୍କର୍ମ ପରେ ହତ୍ୟା ଉଦ୍ୟମ

Mar 16, 2021 - 11:42 Updated: Mar 16, 2021 - 11:42

3126

ଗୋପ : ନାବାଳିକାକୁ ଦୁଷ୍କର୍ମ ପରେ ହତ୍ୟା ଉଦ୍ୟମ । ଗୁରୁତର ଅବସ୍ଥାରେ ଡାକ୍ତରଖାନାରେ ବଂଚିବା ପାଇଁ ସଂଘର୍ଷ କରୁଛି ପୀଡିତା । ଏଭଳି ଏକ ଲଜ୍ଜାଜନକ ଖବର ଆସିଛି ପୁରୀ ଜିଲ୍ଲା ଗୋପ ଥାନା ଅଞ୍ଚଳରୁ । ଅଭିଯୋଗ ଅନୁସାରେ ଜଣେ ନବମ ଶ୍ରେଣୀରେ ପାଠ ପଢ଼ୁଥିବା ୧୪ ବର୍ଷର ନାବାଳିକାକୁ ତାଙ୍କ ଗାଁର ଅଭୟ ଭୁୟାଁ ନାମକ ଯୁବକ ଅଶ୍ଳୀଳ ଇଙ୍ଗିତ କରି ଆସୁଥିଲା । ଗତ ରବିବାର ଘରେ କେହି ନଥିବାର ସୁଯୋଗ ନେଇ ନାବାଳିକାଙ୍କ ଘରେ ପଶି ତାଙ୍କୁ ଜୋର ଜବରଦସ୍ତ ଦୁଷ୍କର୍ମ କରିଥିଲା ଅଭୟ । ନାବାଳିକା ଜଣଙ୍କ ପ୍ରତିବାଦ କରିବାରୁ ଅଭିଯୁକ୍ତ ଅଭୟ ଏକ ପିଢ଼ା ସାହାଯ୍ୟରେ ନାବାଳିକାର ମୁଣ୍ଡକୁ ଶକ୍ତ ପ୍ରହାର କରିଥିଲା । ପ୍ରହାର ପରେ ରକ୍ତ ଜୁଡୁବୁଡୁ ଅବସ୍ଥାରେ ନାବାଳିକା ଜଣଙ୍କ ତଳେ ପଡିଯିବା ସହ ଚିତ୍କାର କରିଥିଲା । ଦୀର୍ଘ ସମୟ ପଡି ରହିବା ପରେ, ପରିବାର ଲୋକ ପହଞ୍ଚି ପୀଡିତାଙ୍କୁ ଡାକ୍ତରଖାନାକୁ ନେଇଥିଲେ । ନାବାଳିକା ଜଣଙ୍କ ଏବେ ଗୁରୁତର ଅବସ୍ଥାରେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏନେଇ ଗୋପ ଥାନାରେ ପୀଡିତାଙ୍କ ପରିବାର ପକ୍ଷରୁ ଅଭିଯୋଗ କରାଯାଇଛି । ଅଭିଯୋଗ ପରେ ଅଭିଯୁକ୍ତର ବାପା ମାଆଙ୍କୁ ପୋଲିସ ଆଣି ପଚରାଉଚରା କରୁଛି । ହେଲେ, ମୁଖ୍ୟ ଅଭିଯୁକ୍ତକୁ ପୋଲିସ ସୁରକ୍ଷା ଦେଉଥିବା ଅଭିଯୋଗ ହୋଇଛି । ଏବଂ ତାକୁ ଗିରଫ କରିବା ସହ କଠୋର ଦଣ୍ଡ ଦେବାକୁ ଦାବି କରିଛନ୍ତି ।