ନାଜାଲ ଟିକା ‘ବିବିଭି ୧୫୪’ର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପରୀକ୍ଷାକୁ ଅନୁମତି
ନାଜାଲ ଟିକା ‘ବିବିଭି ୧୫୪’ର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପରୀକ୍ଷାକୁ ଅନୁମତି
admin
ନୂଆଦିଲ୍ଲୀ: ଭାରତ ବାୟୋଟେକ, କେନ୍ଦ୍ର ସରକାରଙ୍କ ବାୟୋଟେକ୍ନୋଲୋଜି ବିଭାଗ ଓ ରାଷ୍ଟ୍ରାୟତ୍ତ ସଂସ୍ଥା ବାୟୋଟେକ୍ନୋଲୋଜି ଇଣ୍ଡଷ୍ଟି୍ର ରିସର୍ଚ୍ଚ ଆସିଷ୍ଟାନ୍ସ କାଉନସିଲ (ବିଆଇଆରସି) ପକ୍ଷରୁ ମିଳିତ ଭାବେ ପ୍ରସ୍ତୁତ କରୋନା ପ୍ରତିରୋଧୀ ନାଜାଲ ଟିକା ‘ବିବିଭି ୧୫୪’ର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପରୀକ୍ଷାକୁ ଅନୁମତି ମିଳିଛି । ଏହି ନାଜାଲ ଟିକା ନେବା ପରେ ଶରୀରରେ କୌଣସି ଗୁରୁତର ପାଶ୍ୱର୍ ପ୍ରତିକି୍ରୟା ଦେଖାଯାଉନଥିବା ପ୍ରଥମ ପର୍ଯ୍ୟାୟ ପରୀକ୍ଷଣରୁ ଜଣାପଡ଼ିଛି । ଏହି ପର୍ଯ୍ୟାୟରେ ୧୮-୬୦ ବର୍ଷ ବ୍ୟକ୍ତିଙ୍କ ଠାରେ ଏହାର ପରୀକ୍ଷା କରାଯାଇଥିଲା । ତେଣୁ ସେଣ୍ଟ୍ରାଲ ଡ୍ରଗସ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନ (ସିଡିଏସସିଓ) ଏହାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷଣ ଲାଗି ଅନୁମତି ଦେଇଛି । ଅନୁମତି ମିଳିବା ପରେ ଭାରତରେ ପ୍ରଥମ ଥର ପାଇଁ ନାଜାଲ କରୋନା ଟିକାର ଗଣପରୀକ୍ଷଣ କରାଯିବ । ଗତ ଜାନୁଆରୀରେ ସିଡିଏସସିଓ ଏହାର ପ୍ରଥମ ପର୍ଯ୍ୟାୟ ପରୀକ୍ଷା ଲାଗି ଅନୁମତି ଦେଇଥିଲା । ବ୍ୟକ୍ତିଙ୍କର ଉଭୟ ନାକପୁଡ଼ାରେ ମାତ୍ର ଥରକ ପାଇଁ ଗୋଟିଏ ଲେଖାଏଁ ଡ୍ରପ ପକାଇବାକୁ ପଡ଼ିବ । ଏହାକୁ ଉଭୟ ବସ୍କ ଓ ପିଲାମାନେ ନେଇପାରିବେ ଏବଂ ବିନା ନର୍ସ କିମ୍ବା ସ୍ୱାସ୍ଥ୍ୟକର୍ମୀରେ ଏହା ଘରେ ମଧ୍ୟ ନିଆଯାଇପାରିବ ।
