ଧୱନଙ୍କ ଶତକ : ପଞ୍ଜାବକୁ ୧୬୫ ରନର ଟାର୍ଗେଟ

Oct 20, 2020 - 15:40 Updated: Oct 20, 2020 - 15:40

6468

ଦୁବାଇ : ପଞ୍ଜାବ ସମ୍ମୁଖରେ ୧୬୫ ରନର ଟାର୍ଗେଟ ରଖିଛି ଦିଲ୍ଲୀ କ୍ୟାପିଟାଲ୍ସ । ଓପନର ଶିଖର ଧୱନ ଶତକ ହାସଲ କରିଥିବା ବେଳେ ଦିଲ୍ଲୀ ନିର୍ଦ୍ଧାରିତ ଓଭରରେ ର ବିଶାଳ ସ୍କୋର ସଂଗ୍ରହ କରିଛି । ଧୱନ (୧୦୬)ଙ୍କ ବ୍ୟତୀତ ଶ୍ରେୟସ ଆୟାର ଏବଂ ଋଷଭ ପନ୍ତ ୧୪ ରନ ଲେଖାଏଁ ସଂଗ୍ରହ କରିଥିଲେ । ଗୋଟିଏ ପଟୁ ୱିକେଟର ପତନ ଘଟିଥିଲେ ମଧ୍ୟ ଧୱନଙ୍କ ବ୍ୟାଟିଂ ଉପରେ କୌଣସି ପ୍ରଭାବ ପଡିନଥିଲା । ଏକାକୀ ଲଢି ଧୱନ ୬୧ଟି ବଲର ସମ୍ମୁଖୀନ ହୋଇ ୧୦୬ ରନ ସଂଗ୍ରହ କରିଥିଲେ । ଏହି ଇନିଂସରେ ଧୱନ ୧୨ଟି ଚୌକା ଏବଂ ୩ଟି ଛକ୍କା ମାରିଥିଲେ । ପଞ୍ଜାବ ପକ୍ଷରୁ ମ୍ୟାକ୍ସୱେଲ, ସାମି, ଅଶ୍ୱିନ ଏବଂ ଜିମି ନିଶାମ ପ୍ରତ୍ୟେକ ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ । ବଡ ଗ୍ରାଉଣ୍ଡରେ ଏହି ଲକ୍ଷ୍ୟ କଷ୍ଟସାଧ୍ୟ ମନେ ହେଉଥିଲେ ହେଁ ପୂର୍ବ ମ୍ୟାଚର ଡବଲ ସୁପର ଓଭର ବିଜୟ ପରେ ପଞ୍ଜାବ ଖେଳାଳି ଦୃଢ ଆତ୍ମବିଶ୍ୱାସରେ ରହିଛନ୍ତି ।