ଧାକଡ଼ରେ ତବୁ

Jul 22, 2019 - 04:35 Updated: Jul 22, 2019 - 04:35

4347

ତବାସୁମ ଫତିମା ହାସ୍ମୀ ଓରଫ ତବୁ । ବଲିଉଡ଼ର ବେଶ ଜଣାଶୁଣା ଅଭିନେତ୍ରୀ ସେ । ୧୯୮୨ ମସିହାରେ ବଲିଉଡ ମୁଭି ବାଜାର ଥିଲା ତାଙ୍କ ଅଭିନୀତ ପ୍ରଥମ ଚଳଚ୍ଚିତ୍ର । ପେହଲା ପେହଲା ପ୍ୟାର, ବିଜୟ ପଥ, ହକ୍କିକତ, ହିମତ, କାଲାପାନି, ବିରାସତ, ମା ତୁଝେ ସଲାମ, ସାଥିୟା, କାଲ, ଖୁଦା କସମ, ଚିନିକମ, ଜୟ ହୋ, ଦୃଶ୍ୟମ, ହାଇଦର ପରି ବହୁ ଚର୍ଚ୍ଚିତ ହିନ୍ଦୀ ଚଳଚ୍ଚିତ୍ରର ନାୟିକା ସେ । କିଛି ଦିନ ତଳେ ଅଜୟ ଦେବଗାନ ସହ ତାଙ୍କୁ ‘ଦେ ଦେ ପ୍ୟାର ଦେ’ ମୁଭିରେ ଦେଖିବାକୁ ମିଳିଥିଲା । କେବଳ ହିନ୍ଦୀ ନୁହେଁ, ତେଲୁଗୁ, ମାଲାୟାଲାମ ଏବଂ ବଙ୍ଗଳା ସିନେମାରେ ଅଭିନୟ କରି ତବୁ ମଧ୍ୟ ସେଠାକାର ଦର୍ଶକଙ୍କ ମନ କିଣି ଛନ୍ତି । ପୁଣି ଥରେ ବଡ଼ ପରଦାରେ ତବୁଙ୍କୁ ଦେଖିବାକୁ ମିଳିବ । ବଲିଉଡର ଆଗାମୀ ଚଳଚ୍ଚିତ୍ର ଧାକଡ଼ ରେ ତବୁ ଏବଂ କଙ୍ଗନାଙ୍କୁ ଏକାଠି ଦେଖିବାକୁ ମିଳିବ । ରଜନୀଶ ଘାଇ ଏହି ଫିଲ୍ମର ନିର୍ଦ୍ଦେଶନା ଦେବେ । ବଲିଉଡ଼ ଜଗତରେ ନିଜ ନିଜର ସ୍ୱତନ୍ତ୍ର ଅଭିନୟ ଶୈଳୀ ପାଇଁ ତବୁ ଓ କଙ୍ଗନା ବେଶ ପରିଚିତ । ଏ ଦୁହିଁଙ୍କୁ ଏକାଠି ଦେଖିବାକୁ ଅବଶ୍ୟ ଦର୍ଶକଙ୍କ ଭିତରେ ଉତ୍ସାହ ସୃଷ୍ଟି ହେବ ।