ଦ୍ୱିତୀୟ ଇନିଂସ ଆରମ୍ଭ କରିବେ ସୁସ୍ମିତା ସେନ

Dec 11, 2019 - 14:16 Updated: Dec 11, 2019 - 14:16

6624

ଲମ୍ବା ବ୍ୟବଧାନ ପରେ ପେସାଦାର ଅଭିନେତ୍ରୀ ଜୀବନର ଦ୍ୱିତୀୟ ପାଳି ଆରମ୍ଭ କରିବାକୁ ଯାଉଛନ୍ତି ସୁସ୍ମିତା ସେନ । ଏ ବାବଦରେ ସେ ସ୍ୱୟଂ ଇନଷ୍ଟାଗ୍ରାମରେ ଘୋଷଣା କରିଛନ୍ତି । ତେବେ କେଉଁ ଫିଲ୍ମରେ ଅଭିନୟ କରିବାକୁ ଯାଉଛନ୍ତି, ତାଙ୍କ ଭୂମିକା କଣ ଏବଂ ଫିଲ୍ମର ନିର୍ମାତା ଓ ନିଦେ୍ର୍ଧଶକ କିଏ ଏ ସବୁ ବିଷୟରେ କିଛି କହିନାହାନ୍ତି । ପ୍ରଶଂସକମାନେ ତାଙ୍କୁ ପୁଣି ଥରେ ଫିଲ୍ମରେ ଦେଖିବା ପାଇଁ ଏତେ ଦିନ ଧରି ଅପେକ୍ଷା କରିଥିବାରୁ ସେମାନଙ୍କୁ ଧନ୍ୟବାଦ ଜଣାଇଛନ୍ତି ସୁସ୍ମିତା । ୨୦୧୦ରେ ମୁକ୍ତିଲାଭ କରିଥିବା ‘ନୋ ପ୍ରୋବଲେମ’ପରେ ସେ କୌଣସି ବଲିଉଡ ଚଳଚ୍ଚିତ୍ରରେ ଅଭିନୟ କରିନାହାନ୍ତି । ୨୦୧୫ ରେ “ନିର୍ବାକ” ନାମକ ବାଲାଂ ଚଳଚ୍ଚିତ୍ରରେ ଅଭିନୟ କରିଥିଲେ । ସୁସ୍ମିତାଙ୍କ ବୟସ ଏବେ ଚଉରାଳିଶ । ଏ ବୟସରେ ସଫଳତା ପାଇବା ଏତେ ସହଜ ନୁହେଁ । ତେବେ ତାଙ୍କ ଠାରୁ ବୟସରେ ଢେ଼ର ବଡ଼ ତଽୁଙ୍କ ସଫଳତା ଦ୍ୱାରା ସେ ଅନୁପ୍ରାଣିତ ବୋଲି କହନ୍ତି । ୧୯୯୪ ରେ “ମିସ୍ ୟୁନିଭର୍ସ” ଟାଇଟଲ ଜିଣିବାର ଦୁଇ ବର୍ଷ ପରେ ସେ ବଲିଉଡ଼ରେ ପ୍ରବେଶ କରିଥିଲେ । ତାଙ୍କର ପ୍ରଥମ ଫିଲ୍ମ ‘ଦସ୍ତକ’ ଫ୍ଲପ ହୋଇଥିଲା । ସେ ଅଦ୍ୟାବଧି ବିଭିନ୍ନ ଭାଷାର ମୋଟ ଚଉତିରିଶଟି ଫିଲ୍ମରେ ଅଭିନୟ କରିଥିବା ଜଣାଯାଏ ।