ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ମନ୍ତ୍ରୀ ପଦ୍ମିନୀ ଦିଆନ
ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ମନ୍ତ୍ରୀ ପଦ୍ମିନୀ ଦିଆନ
admin
3318
ବୋରିଗୁମ୍ମା: କୋରାପୁଟ ଜିଲ୍ଲା ବୋରିଗୁମ୍ମା ଥାନା ଅନ୍ତର୍ଗତ ଛତର୍ଲା ଗ୍ରାମ ନିକଟରେ କୋଟପାଡ଼ ବିଧାୟିକା ତଥା ମନ୍ତ୍ରୀ ପଦ୍ମିନୀ ଦିଆନଙ୍କ କାର ସହ ଏକ ବାଇକ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ବାଇକ ଚାଳକ ଗୁରୁତର ଆହତ ହୋଇଥିବାରୁ କୋରାପୁଟ ଏସଏଲ ଏନ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ଦୁର୍ଘଟଣାରେ ମନ୍ତ୍ରୀ ଅଳ୍ପକେ ବର୍ତ୍ତି ଯାଇଥିବା ବେଳେ ତାଙ୍କ ଡ୍ରାଇଭର ସାମାନ୍ୟ ଆହତ ହୋଇଛନ୍ତି । ଏ ନେଇ ମନ୍ତ୍ରୀଙ୍କ ଡ୍ରାଇଭର ସୌମେନ୍ଦ୍ର କୁମାର ସାହୁ ବୋରିଗୁମ୍ମା ଥାନାରେ ଲିଖିତ ଅଭିଯୋଗ କରିଥିବା ଜଣାପଡ଼ିଛି । ସୂଚନା ଅନୁସାରେ ମନ୍ତ୍ରୀ ପଦ୍ମିନୀ ଦିଆନ କୋରାପୁଟରେ କୌଣସି ଏକ କାର୍ଯ୍ୟକ୍ରମରେ ଯୋଗ ଦେଇ ଅପରାହ୍ନରେ ନିଜ ଇନୋଭା କାର (ଓଡ଼ି ୦୨ ଏଡବ୍ଲୁ ୩୮୩୯)ରେ ରାଣୀଗଡ଼ ରାସ୍ତା ଦେଇ କୋଟପାଡ଼ ଫେରୁଥିଲେ । ଅପରାହ୍ନ ପ୍ରାୟ ୩ଟାରେ ବୋରିଗୁମ୍ମା ଥାନା ଅନ୍ତର୍ଗତ ଛତର୍ଲା ନିକଟରେ ବୋରିଗୁମ୍ମାରୁ କୋରାପୁଟ ଅଭିମୁଖେ ଯାଉଥିବା ପଲସର ବାଇକ (ଓଡି ୧୮ଏଚ୨୪୬୪) ସହ ମନ୍ତ୍ରୀଙ୍କ ଗାଡ଼ି ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣାରେ ବାଇକ ଚାଳକ ତଥା ନବରଙ୍ଗପୁର ଜିଲ୍ଲା ମିର୍ଗାନୀଗୁଡ଼ା ଗ୍ରାମର ବିନୋଦ ଚନ୍ଦ୍ର ପଣ୍ଡା ଗୁରୁତର ଆହତ ହୋଇଛନ୍ତି ।
