ଦୁଇ ଭାଇ ମିଶି ବଡ଼ଭାଇକୁ ଠେଙ୍ଗାରେ ପିଟିପିଟି ହତ୍ୟା କଲେ, କାରଣ ଜାଣିଲେ ଲୋମ ଟାଙ୍କୁରି ଯିବ
ଦୁଇ ଭାଇ ମିଶି ବଡ଼ଭାଇକୁ ଠେଙ୍ଗାରେ ପିଟିପିଟି ହତ୍ୟା କଲେ, କାରଣ ଜାଣିଲେ ଲୋମ ଟାଙ୍କୁରି ଯିବ
admin
ବଣାଇଗଡ଼: ଅନ୍ୟ ସମ୍ପ୍ରଦାୟରେ ବିବାହକୁ ବିରୋଧ କରିବାରୁ ଦୁଇ ଭାଇ ମିଶି ବଡ଼ଭାଇକୁ ପିଟି ପିଟି ହତ୍ୟା କରିବା ଘଟଣା କୋଇଡା ଥାନା ଅନ୍ତର୍ଗତ ବନ୍ଦଲ ଗ୍ରାମରେ ଚାଞ୍ଚଲ୍ୟ ସୃଷ୍ଟି କରିଛି । ଘଟଣାରୁ ପ୍ରକାଶ ଯେ, ବନ୍ଦଲ ଗ୍ରାମର ସମା ମୁଣ୍ଡା (୨୭) ଖ୍ରୀଷ୍ଟିଆନ ସମ୍ପ୍ରଦାୟର ଜନୈକା ଯୁବତୀଙ୍କୁ ଭଲ ପାଉଥିଲେ ଓ ତାଙ୍କୁ ବିବାହ କରିବାକୁ ସ୍ଥିର କରିଥିଲେ । ତେବେ ଏହାକୁ ସମାର ବଡ଼ଭାଇ ପାତ୍ରାସ ମୁଣ୍ଡା (୩୦) ବିରୋଧ କରୁଥିଲେ । ଅନ୍ୟ ସମ୍ପ୍ରଦାୟର ଝିଅକୁ ବିବାହ ନ କରିବାକୁ ସାନ ଭାଇକୁ ମନା କରି ଆସୁଥିଲେ । ଏହାକୁ କେନ୍ଦ୍ର କରି ପ୍ରବଳ ପାଟିତୁଣ୍ଡ ଆରମ୍ଭ ହୋଇଥିଲା । ଗତକାଲି ମଧ୍ୟ ସେଭଳି ପାଟିତୁଣ୍ଡ ହୋଇଥିଲା । ଏଥିରେ ସମା ଓ ତାର ଅନ୍ୟ ଜଣେ ସାନ ଭାଇ ବିଲକାନ ମୁଣ୍ଡା (୨୦) ମିଶି ବଡ଼ଭାଇଙ୍କୁ ଠେଙ୍ଗାରେ ପିଟି ପିଟି ହତ୍ୟା କରିଥିଲେ । ରାତିସାରା ଶବ ଘର ଭିତରେ ପଡି ରହିଥିଲା । ସକାଳେ ଖବର ପାଇ କୋଇଡା ଥାନା ଅଧିକାରୀ ଲୋକେଶ୍ୱର ସାହୁ ଘଟଣାସ୍ଥଳରେ ପହଞ୍ଚି ଶବଟିକୁ ଜବତ କରି ଅଭିଯୁକ୍ତ ଦୁଇ ଭାଇଙ୍କୁ ଗିରଫ କରିଥିବା ଜଣାପଡ଼ିଛି
