ଦୁଃଖଦ ଖବର : ଆରପାରିରେ ପଦ୍ମଶ୍ରୀ ନନ୍ଦ ସାର

Dec 7, 2021 - 08:25 Updated: Dec 7, 2021 - 08:25

2537

ଭୁବନେଶ୍ୱର : ଆରପାରିରେ ପଦ୍ମଶ୍ରୀ ନନ୍ଦ ସାର । ଏଭଳି ଏକ ଦୁଃଖଦ ଖବର ଏବେ ସାମ୍ନାକୁ ଆସିଛି । ଆଜି ଦିନ ୧ଟା ୨୮ରେ ନନ୍ଦ ସାରଙ୍କର ପରଲୋକ ଘଟିଛି । ତାଙ୍କ ମୃତ୍ୟୁରେ ଶୋକର ଛାୟା ଖେଳିଯାଇଛି ।

ନନ୍ଦ ସାର କରୋନା ଆକ୍ରାନ୍ତ ହୋଇ ସମ ହସପିଟାଲରେ ଚିକିତ୍ସିତ ହେଉଥିଲେ । ତେବେ ତାଙ୍କ ସ୍ୱାସ୍ଥ୍ୟରେ ଉନ୍ନତି ପରିଲକ୍ଷିତ ହେଉନଥିଲା । ନନ୍ଦ ସାରଙ୍କୁ ୧୦୪ ବର୍ଷ ହୋଇଥିଲା । ତେଣୁ ସେ ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିଲେ । ନିକଟରେ ନନ୍ଦ ସାରଙ୍କୁ ରାଷ୍ଟ୍ରପତି ପଦ୍ମଶ୍ରୀ ପୁରସ୍କାର ପ୍ରଦାନ କରିଥିଲେ । ସାରା ଜୀବନ ସେ ସମାଜସେବାରେ ଅତିବାହିତ କରିଥିଲେ । ଗରିବ ପିଲାମାନଙ୍କୁ ସେ ଏବେବି ପାଠ ପଢ଼ାଇ ଆସୁଥିଲେ । ଯାହାକି ଦେଶରେ ବେଶ ଚର୍ଚ୍ଚା ସୃଷ୍ଟି କରିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବି ନନ୍ଦ ସାରଙ୍କର ଭୂୟସୀ ପ୍ରଶଂସା କରିଥିଲେ । ତେବେ ଆଜି ତାଙ୍କର ମୃତ୍ୟୁ ନେଇ ନନ୍ଦ ସାରଙ୍କ ନାତି ସୂଚନା ଦେବା ପରେ ଶୋକର ଛାୟା ଖେଳିଯାଇଛି ।