ଦାଦାର ଠେଙ୍ଗା ମାଡରେ ଗଲା ପୁତୁରା ଜୀବନ
ଦାଦାର ଠେଙ୍ଗା ମାଡରେ ଗଲା ପୁତୁରା ଜୀବନ
admin
2985
ଫୁଲବାଣୀ: ପୂର୍ବ ଶତ୍ରୁତାରୁ ଦାଦାଙ୍କ ଠେଙ୍ଗାମାଡ଼ରେ ପୁତୁରାର ଜୀବନ ଗଲା । ସାରା ଦେଶରେ ଲକଡାଉନ ଚାଲିଥିବା ବେଳେ କନ୍ଧମାଳ ଜିଲ୍ଲା ସଦର ଥାନା ଅଧୀନ ରାମାଡିଗାଁ ସାଇପଦରସାହିରେ ଏଭଳି ଏକ ଅଭାବନୀୟ ଘଟଣା ଘଟିଛି । ଦୁଇ ଦାତାଙ୍କ ଠେଙ୍ଗାମାଡ଼ରେ ଅଶୋକ ବେହେରା (୩୦) ଙ୍କ ମୃତ୍ୟୁ ହୋଇଛି । ହତ୍ୟାକାରୀ ଦୁଇ ଦାତା ବିଶ୍ୱମ୍ବର ବେହେରା ଓ ବଳଙ୍ଗା ବେହେରାଙ୍କୁ ପୁଲିସ ଅଟକ ରଖି ପଚରାଉଚରା କରୁଛି ।
ବିଳମ୍ବିତ ରାତିରେ ପୂର୍ବ ଶତ୍ରୁତାକୁ ନେଇ ପୁତୁରା ଓ ୨ ଦାଦାଙ୍କ ମଧ୍ୟରେ ପ୍ରବଳ ପାଟିତୁଣ୍ଡ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ବିଶ୍ୱମ୍ବର ଓ ବଳଙ୍ଗା ଠେଙ୍ଗା ଆଣି ଅଶୋକଙ୍କ ମୁଣ୍ଡ ଓ ଶରୀରରେ ପ୍ରହାର କରିଥିଲେ । ଅଚେତ ଅବସ୍ଥାରେ ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଅଶୋକଙ୍କୁ ଡାକ୍ତର ମୃତ ଘୋଷଣାକ ରିଥିଲେ ।
ସଦର ଥାନା ଅଧିକାରୀ ଆଦିତ୍ୟ ପ୍ରସାଦ ସେଠୀ ସଦଳବଳ ଗାଁରେ ପହଞ୍ଚି ଦୁଇ ଦାଦାଙ୍କୁ କାବୁ କରିଥିଲେ । ଏ ନେଇ କେସ ନମ୍ବର ୨୨ ଅନୁସାରେ ଏକ ହତ୍ୟା ମାମଲା ରୁଜୁ ସହ ଉଭୟଙ୍କୁ ଅଟକ ରଖି ପଚରା ଉଚରା ଜାରି ରହିଛି । ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଶୋକଙ୍କ ଶବ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରାଯାଇଛି ।
