ତେଲଙ୍ଗାନାର ଜଣେ ଛାତ୍ର ଘର ଅଭାବରୁ ଗଛ ଉପରେ ୧୧ ଦିନର ସଙ୍ଗରୋଧ
ତେଲଙ୍ଗାନାର ଜଣେ ଛାତ୍ର ଘର ଅଭାବରୁ ଗଛ ଉପରେ ୧୧ ଦିନର ସଙ୍ଗରୋଧ
admin
3678
ହାଇଦ୍ରାବାଦ: କୋଭିଡ କାଳରେ ସଙ୍ଗରୋଧରେ ରହିବାରେ ଅନେକଙ୍କ ପାଇଁ ସମସ୍ୟା ସୃଷ୍ଟି ହେଉଛି । ଅତିରିକ୍ତ ଘର ଅଭାବରୁ କିଏ ରୋଷେଇ ଘରେ ତ କିଏ ପାଇଖାନାରେ ପୃଥକ ରହିବାକୁ ବାଧ୍ୟ ହେଉଛି । ଏଭଳି ଏକ ଘଟଣାକ୍ରମେ ତେଲଙ୍ଗାନାର ଜଣେ ୧୮ ବର୍ଷୀୟ ଛାତ୍ର ଘର ଅଭାବରୁ ଗଛକୁ ନିଜର ସଙ୍ଗରୋଧ ଗୃହରେ ପରିଣତ କରି ଏବେ ଚର୍ଚ୍ଚାକୁ ଆସିଛି । ଗଛ ଉପରେ ମଞ୍ଚା ବାନ୍ଧି ଏହି ଛାତ୍ର ଜଣକ ଦିନେ କି ଦୁଇ ଦିନ ନୁହେଁ ଦୀର୍ଘ ୧୧ ଦିନ ବିତାଇଛି । ତାଙ୍କ ଘର ନାଲଗୋଣ୍ଡା ଜିଲ୍ଲା ଅନ୍ତର୍ଗତ କୋଠନନ୍ଦିକୋଣ୍ଡାର ଏକ ଆଦିବାସୀ ଅଞ୍ଚଳରେ ବୋଲି ଜଣାପଡ଼ିଛି । ଘଟଣାଟି ଏହିଭଳି, ଶିବା ନାମକ ଏହି ଛାତ୍ର ଜଣକ ଚଳିତ ମାସ ୪ ତାରିଖରେ କୋଭିଡ ପଜିଟିଭ ଚିହ୍ନଟ ହୋଇଥିଲେ । ଗ୍ରାମ ନିକଟରେ କୌଣସି କୋଭିଡ କେନ୍ଦ୍ର ନଥିବାରୁ ତାଙ୍କୁ ଘରେ ପୃଥକ ରହିବା ପାଇଁ ଗ୍ରାମର ସ୍ୱେଚ୍ଛାସେବୀମାନେ କହିଥିଲେ । କିନ୍ତୁ ଅଧିକ ବା ପୃଥକ ଘର ନଥିବାରୁ ଉପାୟଶୂନ୍ୟ ହୋଇପଡ଼ିଥିଲେ ଶିବା । ଶେଷରେ ଗଛ ଉପରେ ହିବା ପାଇଁ ନିଷ୍ପତ୍ତି ନେଇଥିଲେ । ଗଛରେ ବାଉଁଶ ସାହାଯ୍ୟରେ ଏକ ମଞ୍ଚା ବାନ୍ଧିଥିଲେ । ସେହିଠାରେ ୧୧ ଦିନ ଧରି ବିତାଇଥିଲେ । ଶେଷରେ କୋଭିଡରୁ ମୁକ୍ତି ପାଇଥିଲେ ।
