ତୁଷୁରା ଏନଏସିର ଶେଷପୁଲ ପାଞ୍ଚ ମାସ ହେଲା ଖରାପ ଲୋକେ ହଇରାଣ
ତୁଷୁରା ଏନଏସିର ଶେଷପୁଲ ପାଞ୍ଚ ମାସ ହେଲା ଖରାପ ଲୋକେ ହଇରାଣ
admin
2385
ଗୁଡଭେଲା - ତୁଷୁରା ଏନଏସି ପକ୍ଷରୁ ଯୋଗାଇ ଦିଆଯାଉଥିବା ଶେଷପୁଳ (ପାଇଖାନା ଟାଙ୍କି ସଫା କରିବା ମେସିନ)ଖରାପ ହୋଇଥିବା ଯୋଗୁଁ ଲୋକେ ନାହିଁ ନଥିବାର ଅସୁବିଧାର ସମ୍ମୁଖିନ ହେଉଛନ୍ତି । ସୂଚନା ଯୋଗ୍ୟଯେ ତୁଷୁରା ସହରରେ ଥିବା ପାଇଖାନା ଟାଙ୍କି ଗୁଡ଼ିକ ଏନଏସି ହେବା ଆଗରୁ ଲୋକେ ହାତରେ ସଫା କରୁଥିଲେ କିନ୍ତୁ ଏନଏସି ହେବା ପରେ ସରକାରଙ୍କ ତରଫରୁ ଏନଏସିକୁ ଶେଷପୁଲ ଗୋଟିଏ ଯେଗାଇ ଦିଆଯାଇଛି ।ଏହି ଶେଷପୁଲ ଜରିଆରେ ଟାଙ୍କି ସଫା କରିବା ସହଜ ହେଉଥିବା ବେଳେ ଅଧ ଘଂଟାରେ କାର୍ଯ୍ୟ ସଂପାଦନ ହେଉଥିବା ସହ କମ ଖର୍ଚ୍ଚରେ ମଧ୍ୟ ହୋଇ ଯାଏ । ଉକ୍ତ ମଇଲାକୁ ସହର ବାହାରେ ଫିଂଙ୍ଗା ଯାଉଥିଲା । ଆଜିକୁ ପା୍ରୟ ପାଞ୍ଚ ମାସରୁ ଉଦ୍ଧ୍ୱର୍ ହେଲା ଉକ୍ତ କମ୍ପ୍ରେସର ମେସିନ(ଶେଷପୁଲ) ଖରାପ ହୋଇ ଏନଏସି କାର୍ଯ୍ୟାଳୟ ପରିଷରରେ ପଡ଼ି ରହିଛି । ବର୍ତମାନ ସହରରେ ଥିବା ଅନେକ ଲୋକଙ୍କ ଘରେଥିବା ପାଇଖାନା ଟାଙ୍କି ଗୁଡ଼ିକ ଫୁଲ ହୋଇ ପାଇଖାନା ଯିବା ମଧ୍ୟ ସମ୍ଭବପର ହେଉ ନ ଥିବାବେଳେ ଉକ୍ରଟ ଦୁର୍ଗନ୍ଧ ମଧ୍ୟ ହେଉଥିବା ଅଭିଯୋଗ ହେଉଛି । ଅନ୍ୟ ଉପାୟ ନ ପାଇ ଲୋକେ ନଦୀ କିମ୍ବା ପୋଖରୀ ହିଡ଼ ଖୋଳାରେ ଶୈାଚ କରିବାକୁ ବାଧ୍ୟ ହେଉଛନ୍ତି । ଏବଂ ସରକାରଙ୍କ ସ୍ୱଚ୍ଛତା ଅଭିଯାନ ମଧ୍ୟ ଏଠି ଫେଲ ମାରୁଛି । ଏ ନେଇ ବାରମ୍ବାର ଏନଏସିକୁ ଖବର ଦିଆଗଲେ ଦିନେ ଦୁଇ ଦିନ ମଧ୍ୟରେ ଭୂବନେଶ୍ୱରରୁ ମେସିନ ଆସିବ କହି ଦିନ ଗଡ଼ାଇ ଚାଳିଛି । ଏ ନେଇ କାର୍ଯ୍ୟନିର୍ବାହୀ ଅଧିକାରୀ ବିପିନ ବିହାରୀ ଦୀପ କହନ୍ତି ଯେ ଆମେ ମେକାନିକକୁ କହିଛୁଁ ସେ ଆସିଲେ ମେସିନ ଠିକ କରିବେ । ସବୁ ସମସ୍ୟା ସମାଧାନ ହୋଇ ଯିବ ବୋଳି କହିଥିଲେ । ଏଥି ପ୍ରତି ବିଭାଗିୟ ଅଧିକାରୀ ଦୃଷ୍ଟି ଦେଇ ତୁଷୁରାକୁ ବର୍ତମାନ ସାମୟିକ ପାଇଁ ଏକ ଶେଷପୁଳ ଯୋଗାଇ ଲୋକଙ୍କୁ ସହଯୋଗ କରିବାକୁ ଲୋକେ ଦାବୀକରିଛନ୍ତି ।
