ତବୁ ଏବେ ବି ଅବିବାହିତା ପଛରେ କିଏ ଦାୟୀ, ଜାଣନ୍ତୁ
ତବୁ ଏବେ ବି ଅବିବାହିତା ପଛରେ କିଏ ଦାୟୀ, ଜାଣନ୍ତୁ
admin
5444
ବଲିଉଡରରେ ୪୦ ବର୍ଷ ଧରି ନିଜ ଅଭିନୟ ଯାତ୍ରାକୁ ବେଶ ସଫଳତାର ସହ ଆଗକୁ ନେଇଥିବା ତବୁ କିନ୍ତୁ ବାସ୍ତବ ଜୀବନରେ ଏକା । ଅଭିନୟରେ ସଫଳତା ଉପରେ ସଫଳତାର ପାହାଚ ଚଢ଼ି ଚାଲିଥିବା ଏହି ଅଭିନେତ୍ରିଙ୍କ ନାମ ଅନେକ ଅଭିନେତାଙ୍କ ସହ ଯୋଡ଼ି ହୋଇଥିଲେ ବି ସେ କାହାରିକୁ ସାଥୀ ନ କରି ଏକା ରହିବାକୁ ପସନ୍ଦ କରିଛନ୍ତି । ଏଣୁ ଆଜି ଯାଏ ଅବିବାହିତ ରହିଛନ୍ତି । ଏଥିପାଇଁ ସେ ଅନେକ ସମୟରେ ସେ ନିଜ ପ୍ରିୟ ବନ୍ଧୁ ତଥା ସୁପରଷ୍ଟାର ଅଜୟ ଦେବଗନଙ୍କୁ ଦାୟୀ କରନ୍ତି । ତବୁ ବିଭିନ୍ନ ସାକ୍ଷାତକାରରେ କହିଛନ୍ତି ଅଜୟ ଓ ସେ ପିଲା ବେଳୁ ସାଙ୍ଗ । ତବୁଙ୍କ ସମ୍ପର୍କୀୟ ସମୀର ଆଚାର୍ଯ୍ୟଙ୍କର ପଡେ଼ାଶୀ ହେଉଛନ୍ତି ଅଜୟ ଦେବଗନ । ସେମାନେ ୩ ଜଣ ଏକାଠି ପାଠ ପଢ଼ୁଥିଲେ । ତବୁ ଖୁବ ସୁନ୍ଦର ଥିବାରୁ ସ୍କୁଲ ଓ କଲେଜରେ ଅନେକ ପୁଅ ତାଙ୍କୁ ପସନ୍ଦ କରୁଥିଲେ । ସେମାନଙ୍କ ଭିତରୁ ତବଙ୍କ ସହ କେହି କଥାବାର୍ତ୍ତା କଲେ ଅଜୟ ଦେବଗନ ଓ ସମୀର ସେମାନଙ୍କୁ ମାରପିଟ କରୁଥିଲେ । ପାଠ ପଢ଼ିବା ସମୟରେ ସମୀର ଓ ଅଜୟ ଗୁଣ୍ଡା ଭଳି ହେଉଥିଲେ । ସମସ୍ତେ ତାଙ୍କୁ ଭୟ କରୁଥିଲେ । ଏହି କାରଣରୁ ତବୁଙ୍କ ସହ କୌଣସି ପୁଅ କଥାବାର୍ତ୍ତା କରିବା ପାଇଁ ଭୟ କରୁଥିଲେ । ୧୯୭୦ରେ ଜନ୍ମ ହୋଇଥିବା ତବୁ ଏବେ ୫୦ ବର୍ଷରେ ପଦାର୍ପଣ କରିଛନ୍ତି । ସେ ସଫଳ ହୋଇଥିଲେ ବି ବିବାହ କରି ନଥିବାରୁ ଚିନ୍ତିତ ନୁହନ୍ତି । ପିଲାବେଳେ ବିଭିନ୍ନ ସିନେମାରେ ଅଭିନୟ କରିଥିବାୁ ତବୁ ଏବେ ଏକାକୀ ରହିବାକୁ ହିଁ ପସନ୍ଦ କରୁଛନ୍ତି ।
