ଝରାଫୁଲ ମୃତୁ୍ୟ ମାମଲା : ପୁଣି ଏକ ସିସିଟିଭି ଫୁଟେଜ ମିଳିଲା

Jan 30, 2021 - 06:22 Updated: Jan 30, 2021 - 06:22

1962

ଝରାଫୁଲ ମୃତୁ୍ୟ ମାମଲା : ପୁଣି ଏକ ସିସିଟିଭି ଫୁଟେଜ ମିଳିଲା

ଭୁବନେଶ୍ୱର : ଝରାଫୁଲ କେମିତି ମୃତୁ୍ୟବରଣ କଲେ ତାହାକୁ ନେଇ ଖୋଳତାଡ଼ ଜାରିରହିଛି । ଇତିମଧ୍ୟରେ ମୁଖ୍ୟ ଅଭିଯୁକ୍ତ ରାକେଶ ସ୍ୱାଇଁଙ୍କୁ ପୁଲିସ ଗିରଫ କରି ଜେଲକୁ ପଠାଇ ଦେଇଛି । ତେବେ ସଦ୍ୟତମ ସୂଚନା ଅନୁଯାୟୀ, ଝରାଫୁଲ ଓ ରାକେଶ ୨୪ ତାରିଖରେ ଦିନ ୧୨ଟା ବେଳକୁ ଏକ ରେଷ୍ଟୁରାଂଟ ଯାଇଥିଲେ । ଏକ ସିସିଟିଭି ଫୁଟେଜରୁ ଏହା ଜଣାପଡ଼ିଛି । ରେଷ୍ଟୁରାଂଟରେ ସେମାନେ ବିରିୟାନୀ ଅଡର଼୍ର କରିଥିଲେ । କିନ୍ତୁ ଝରାଫୁଲ ବିରିୟାନୀ ଖାଇନଥିଲେ । ତାଙ୍କର ପେଟ କାଟିବା ସହ ସେ ବାନ୍ତି ବି କରିଥିଲେ । କେବଳ ରାକେଶ ବିରିୟାନୀ ଖାଇଥିଲେ । ପରେ ସେମାନେ ରେଷ୍ଟୁରାଂଟରୁ ପ୍ରାୟ ୧ଟା ପରେ ବାହାରି ଯାଇଥିଲେ । ପୂର୍ବରୁ ସେମାନେ ଏକ ଗେଷ୍ଟ ହାଉସକୁ ଯିବାର ସିସିଟିଭି ଫୁଟେଜ ଆସିଥିଲା । ଓୟୋ ଗେଷ୍ଟ ହାଉସରେ କ’ଣ ହୋଇଥିଲା ସେନେଇ ବି ତଦନ୍ତ ଜାରିରହିଛି । ଅପରପକ୍ଷରେ ରାକେଶକୁ ୫ ଦିନିଆ ରିମାଣ୍ଡରେ ଆଣିବା ପାଇଁ କୁଆଖିଆ ଥାନା ପୁଲିସ ଆବେଦନ କରିଛି । ରିମାଣ୍ଡରେ ଆସିବା ପରେ ଅନେକ ତଥ୍ୟ ପଦାକୁ ଆସିପାରିବ ବୋଲି ଅନୁମାନ କରାଯାଉଛି । ଝରାଫୁଲଙ୍କୁ ହତ୍ୟା କରାଯାଇଛି ନା ବିଷକ୍ରିୟା ଯୋଗୁଁ ମୃତୁ୍ୟ ହୋଇଛି ସେନେଇ ବି ଛାନଭିନ କରାଯାଉଛି ।