ଜଳାଶୟ ତିଆରି କରିପାରେ ଗୋଲିୟଥ୍ ବେଙ୍ଗ

Sep 23, 2019 - 06:42 Updated: Sep 23, 2019 - 06:42

6622

ବିଶ୍ୱର ବୃହତମ ବେଙ୍ଗ ଭାବେ ବିବେଚିତ ହେଉଥିବା ଦକ୍ଷିଣ ଆଫି୍ରକାର ଗୋଲିୟଥ ଜାତିର ବେଙ୍ଗ ବିଷୟରେ ଏକ ନୂତନ ତଥ୍ୟ ‘ନ୍ୟାଚୁରାଲ ହିଷ୍ଟି୍ର’ ପ୍ରକାଶ କରିଛି । ଏହି ଜାତିର ବେଙ୍ଗ ଅଣ୍ଡାର ସୁରକ୍ଷା ପାଇଁ ଛୋଟ ଜଳାଶୟ ତିଆରି କରନ୍ତି । ଏହା ସହିତ ଅନ୍ୟ ବେଙ୍ଗକୁ ଶିକାରୀଠାରୁ ବଞ୍ଚାଇବା ପାଇଁ ପାଣିରେ ଫେଣ ସୃଷ୍ଟି କରନ୍ତି । ବର୍ଲିନର ପ୍ରଫେସର ମାର୍ବିନ ସେଫର ଏହାର ଅନୁଧ୍ୟାନ କରିବା ସକାଲେ ଏକ ଟାଇମ ଲାପସ କ୍ୟାମେରାକୁ ଗୋଲିୟଥ ବେଙ୍ଗ ରହୁଥିବା ସ୍ଥାନ ରଖିଥିଲେ । ବେଙ୍ଗମାନେ ଅଣ୍ଡା ଦେବା ପୂର୍ବରୁ ପାଣିରୁ ବାହାରି ଏକ ସନ୍ତସନ୍ତିଆ ସ୍ଥାନରେ ଛୋଟ ଜଳାଶୟ ତିଆରି କରୁଥିବା ଦୃଶ୍ୟ କ୍ୟାମେରାରେ କଏଦ ହୋଇଥିଲା । ଜଳାଶୟ ପାଇଁ ଗାତ ଖୋଳିବାରେ ବେଙ୍ଗଟି ନିଜ ପଛ ଦୁଇ ଗୋଡ଼ ବ୍ୟବହାର କରିଥିଲା । ଏପରିକି ଦେଖାଯାଇଥିଲା, ଗାତ ଖୋଳିବା ସମୟରେ ବାଟରେ ଆସୁଥିବା ଦୁଇ କିଲୋଗ୍ରାମ ଓଜନର ପଥରକୁ ବେଙ୍ଗଟି ସହଜରେ ଠେଲି ଦେଉଥିଲା । କୌଣସି ବିପଦ ଦେଖାଗଲେ, ଗୋଲିୟଥ ବେଙ୍ଗ ଫେଣ ବାହାର କରି ନିଜ ଅଣ୍ଡା, ଅନ୍ୟ ବେଙ୍ଗ ଓ ଛୋଟ ଜଳଜୀବକୁ ରକ୍ଷା କରିଥାନ୍ତି । ଗବେଷକଙ୍କ ମତରେ, ଆଫି୍ରକାର ବୁଲ୍ ଫ୍ରଗ୍ ମଧ୍ୟ ନିଜ ଅଣ୍ଡାକୁ ସୁରକ୍ଷା ରଖିବା ପାଇଁ ଏହିପରି ଜଳାଶୟ ଖୋଳିଥାନ୍ତି । ତେବେ ଆଫି୍ରକାର ଗୋଲିୟଥ ଜାତିର ବେଙ୍ଗ ପ୍ରାୟ ୩.୩ କିଲୋ ଓଜନ ପର୍ଯ୍ୟନ୍ତ ବଢ଼ିପାରନ୍ତି । ଏହି ଜାତିର ବେଙ୍ଗକୁ ଶିକାର କରାଯାଉଥିବା କାରଣରୁଏମାନଙ୍କ ସଂଖ୍ୟା କମିବାକୁ ଲାଗିଲାଣି ।