ଚୀନ ରାଷ୍ଟ୍ରପତିଙ୍କ ବିରୋଧରେ ବଢ଼ୁଛି ବିଦ୍ରୋହ
ଚୀନ ରାଷ୍ଟ୍ରପତିଙ୍କ ବିରୋଧରେ ବଢ଼ୁଛି ବିଦ୍ରୋହ
admin
2742
ବେଜିଂ: ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ବିରୋଧରେ ତାଙ୍କରି ଦଳ ଭିତରେ ଅସନ୍ତୋଷ ତେଜିବାରେ ଲାଗିଛି । ଚୀନ କମୁ୍ୟନିଷ୍ଟ ଦଳରୁ ସୋମବାର ବହିଷ୍କୃତ ହୋଇଥିବା କାଇଜିଆ ନାମ୍ନୀ ଜଣେ ମହିଳା ଏହା ପ୍ରକାଶ କରିଛନ୍ତି । ସେ ଚୀନର କମୁ୍ୟନିଷ୍ଟ ଦଳ ଦ୍ୱାରା ପରିଚାଳିତ ଏକ ସ୍କୁଲରେ ଶିକ୍ଷକତା କରୁଥିଳେ । ସେ ଦଳର କର୍ମୀମାନଙ୍କୁ ପ୍ରଶିକ୍ଷଣ ଦେଉଥିଲେ । କିନ୍ତୁ ଜିନପିଙ୍ଗଙ୍କ ବିରୋଧରେ ବୟାନ ଦେବା କାରଣରୁ ତାଙ୍କୁ ଦଳରୁ ବହିଷ୍କାର କରାଯାଇଛି ।
ସେ କହିଛନ୍ତି ଯେ ଜିନପିଙ୍ଗ ଚୀନକୁ ସମଗ୍ର ବିଶ୍ୱର ଶତ୍ରୁ ଭାବେ ଉଭା କରାଇଛନ୍ତି । ସେ ଏକାକୀ ଚୀନ ଓ କମୁ୍ୟନିଷ୍ଟ ପାର୍ଟିକୁ ଧ୍ୱଂସ କରିଦେଇଛନ୍ତି । ସେ ନିଜ ହାତରେ ସମସ୍ତେ କ୍ଷମତା ଠୁଳ କରିବାକୁ ଉଦ୍ୟମ କରି ଆସୁଛନ୍ତି । ଏହାକୁ ନେଇ ଦଳ ଭିତରେ ଚାପା ଗୁଞ୍ଜରଣ ସୃଷ୍ଟି ହୋଇଛି । ହେଲେ କେହି ବି ପ୍ରକାଶ୍ୟରେ ଏ ନେଇ ମୁହଁ ଖୋଲୁନାହାନ୍ତି । କାରଣ ସେମାନେ ଭୟ କରୁଛନ୍ତି । ଯେ ଏପରି କଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ । ଯେଉଁମାନେ ଦୁର୍ନୀତିଗ୍ରସ୍ତ ସେମାନେ ସରକାରଙ୍କ ବିରୋଧରେ ମୁହଁ ଖୋଲିବେନି । କାରଣ ଚୀନ ସରକାରଙ୍କ ଦୁର୍ନୀତି ନିବାରଣ ଅଭିଯାନ ଅଧୀନରେ ସେମାନଙ୍କୁ ଗିରଫ କରିବେ । ଯେଉଁମାନେ ଦୁର୍ନୀତିରେ ଲିପ୍ତ ନାହାନ୍ତି ସେମାନେ ଭୟ କରୁଛନ୍ତି ଯେ ସେମାନଙ୍କୁ ମିଛ ମାମଲାରେ ଫସାଇ ଦିଆଯାଇପାରେ । ସେପଟେ ନିଜ ଦଳ ଭିତରେ ତାଙ୍କ ବିରୋଧରେ ବଢ଼ୁଥିବା ଅସନ୍ତୋଷ ଉପରୁ ଧ୍ୟାନ ହଟାଇବା ପାଇଁ ଜିନପିଙ୍ଗ ଭାରତ ସହିି ସୀମାରେ ସଂଘର୍ଷ କରାଇଛନ୍ତି । ସେହିପରି ଆମେରିକା ସହିତ ବି ଉତ୍ତେଜନା ବଢ଼ାଉଛନ୍ତି । କାଇ ଜିଆ କହିଛନ୍ତି ଯେ ତାଙ୍କ ପରି ଦଳର ଆଉ କିଛି ସଦସ୍ୟ ବି ଜିନପିଙ୍ଗଙ୍କ ବିରୋଧରେ ମୁହଁ ଖୋଲି ଦଳରୁ ବହିଷ୍କୃତ ହୋଇଛନ୍ତି ।
