କେଉଁଠି ହେଲା ‘ନିଆଁବାତ୍ୟା’ ଆସନ୍ତୁ ଜାଣିବା
କେଉଁଠି ହେଲା ‘ନିଆଁବାତ୍ୟା’ ଆସନ୍ତୁ ଜାଣିବା
admin
6681
ଆପଣମାନେ ବାତ୍ୟା ଦେଖିଥିବେ ଏବଂ ତାର ଅନୁଭୂତି ବି ଯଥେଷ୍ଟ ଥିବ କିନ୍ତୁ ଏମିତି ‘ନିଆଁବାତ୍ୟା’ କଥା ନା କେବେ ଶୁଣିଥିବେ ନା ଦେଖିଥିବେ । ଆଜି ପ୍ରକୃତି ଜଳୁଛି । ପରିବେଶ କୁହୁଳୁଛି । ଆମ କଥାକୁ ନେଇ ଆମରି ଉପରେ ଏହିଭଳି ଏକ ପରିବେଶ ପର୍ଯ୍ୟବସିତ ସିନେମା ନିର୍ମାଣ କରିଛନ୍ତି ସୂର୍ଯ୍ୟ ଶଙ୍କର ଦାଶ । ଯାହାର ଶୀର୍ଷକ ରହିଛି ‘ନିଆଁବାତ୍ୟା ସେଭେଣ୍ଟି ଥାଉଜାଣ୍ଟ ଇଅର୍ସ ଏଗୋ ଦେୟାର ୱାଜ ଏ ଫାୟାରଷର୍ମ’ । ଏହି ନୂଆ ଓଡ଼ିଆ ଫିଚର ଫିଲ୍ମର ଅବଧି ୧ ଘଣ୍ଟା ୧୫ ମିନିଟ ଅର୍ଥାତ ୭୫ ମିନିଟ ରହିଥିବା ବେଳେ ଏହାର ସୁଟିଂ ମାତ୍ର ତିନି ଦିନରେ ଶେଷ ହୋଇଛି । କଳିଙ୍ଗ ଷ୍ଟୁଡିଓ ପରିସରରେ ନିର୍ମିତ ଏହି ସିନେମା ବିଶ୍ୱର ସବୁଠାରୁ କମ୍ ସମୟରେ ଶେଷ ହୋଇଥିବା ଏକ ସିନେମା ବୋଲି ନିଜେ ନିର୍ମାତା ଶ୍ରୀ ଦାଶ ଦୃଢ଼ ଦାବି କରିଛନ୍ତି । ସେ ଏହା ବି କହିଛନ୍ତି ଯେ, ଆମେ ସେ ଲକ୍ଷ୍ୟ ରଖି ସିନେମା କରୁନଥିଲୁ ହେଉ ହେଉ ହେଇଯାଇଛି । ଦୀର୍ଘ ୧୫ ବର୍ଷର କ୍ୟାରିୟରରେ ପ୍ରାମାଣିକ ଚିତ୍ର କରି ଅନେକ ଅନ୍ତର୍ଜାତୀୟ ଦର୍ଶକ ପ୍ରଶଂସା ଓ ସ୍ୱୀକୃତି ପାଇଛି । କିନ୍ତୁ ଏହା ମୋର ପ୍ରଥମ ଓଡ଼ିଆ ଫିଚର ଫିଲ୍ମ ହୋଇଥିବା ବେଳେ ଆଶା ସମସ୍ତଙ୍କୁ ପସନ୍ଦ ଆସିବ । ଫିଲ୍ମର କ୍ୟାମେରାରେ ରାଜମୋହନ ସୋରେନ ଏବଂ ସହାୟତା କରିଥିଲେ କାହ୍ନୁ ବେଶ୍ରା । ସାଉଣ୍ଡର ଦିଲେଶ୍ୱର ପ୍ରଧାନ ଏବଂ ସହାୟତା କରିଥିଲେ ଲିଟୁ ଟୁଡୁ । ଏଡିଟିଂ ଜୟଦୀପ । କଳାନିଦେ୍ର୍ଧଶନା ମହେନ୍ଦ୍ର ବୁଡେକ, ଗଣେଶ ଦାଶ, ପୋଷାକ ଅମର ପରିଡ଼ା ସହଯୋଗ କରିଥିଲେ । ସୁଜାତା, ବିଶ୍ୱରଞ୍ଜନ, ଏସକେ ବାବୁଲୁ, ଭମର, ଅଜିତ, କଶୀଣ, କଳିକା, ଗୁନଗୁନ, ବିରଞ୍ଚି, ଆଲୋକ, ରସିକ, ଟିକିନା, ସଚ୍ଚି, ତି୍ରଲୋଚନ, ଚିତ୍ତରଞ୍ଜନ, ଗିରିଜା, ସରୋଜ, ଶ୍ରୀଧର, ସୁସ୍ମିତା, ବିଶ୍ୱଜିତ, ସୁବାସ, ଧନେଶ୍ୱର, ପ୍ରାଣକୃଷ୍ଣ ପ୍ରମୁଖ ଅଭିନୟ କରିଛନ୍ତି । ଏହି ସିନେମା ନିର୍ମାଣ କରିଥିବା ସୂର୍ଯ୍ୟ ଶଙ୍କର ଦାଶଙ୍କ ବହୁ ସିନେମା ବିଭିନ୍ନ ଫେଷ୍ଟିଭାଲକୁ ଯାଇ ପ୍ରଶଂସିତ ହୋଇଛି ।
