କୀର୍ତ୍ତି ସୁରେଶ ଶ୍ରେଷ୍ଠ ଅଭିନେତ୍ରୀ

Aug 10, 2019 - 09:12 Updated: Aug 10, 2019 - 09:12

2893

ଦ୍ୱିଭାଷୀ ଫିଲ୍ମ ‘ମହାନତି’ ପାଇଁ ଶ୍ରେଷ୍ଠ ଅଭିନେତ୍ରୀ ସମ୍ମାନ ହାସଲ କରିଛନ୍ତି କୀର୍ତ୍ତି ସୁରେଶ । ଫିଲ୍ମ ରିଲିଜ ହେବା ପରେ କୀର୍ତ୍ତିଙ୍କ ଅଭିନୟ ସିନେ ଇଣ୍ଡଷ୍ଟ୍ରିରେ ବେଶ ପ୍ରଶଂସିତ ହୋଇଥିଲେ । ସମୀକ୍ଷକଙ୍କ ବାଃ ବାଃ ମଧ୍ୟ ସେ ସାଉଁଟିଥିଲେ । ଅଭିନେତ୍ରୀ ସାବିତ୍ରୀଙ୍କ ଜୀବନ ଉପରେ ଫିଲ୍ମଟି ଆଧାରିତ । ପରଦାରେ ସାବିତ୍ରୀଙ୍କ ଚରିତ୍ରକୁ ଜୀବନ୍ତ କରିଥିବାରୁ କୀର୍ତ୍ତିଙ୍କ ପାଖକୁ ଆଜି ପ୍ରଶଂସାର ସୁଅ ଛୁଟିଛି । ମଲିଉଡ଼ ଅଭିନେତା ଦୁଲକ୍ୱେର ସଲମାନ ଏଥିରେ ମୁଖ୍ୟ ଭୂମିକା ନିର୍ବାହ କରିଥିଲେ । ନିର୍ଦ୍ଦେଶନା ଦେଇଥିଲେ ନାଗ ଅଶ୍ୱିନ । ସର୍ବଦା ମା’ଙ୍କ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ଜିତିବାକୁ ଚାହିଁଥିଲେ ବୋଲି କୀର୍ତ୍ତି କହିଛନ୍ତି । କାରଣ ତାଙ୍କ ମା ନିଜର ପ୍ରଥମ ମାଲାୟାଲାମ ଫିଲ୍ମ ପାଇଁ ଏହି ପୁରସ୍କାର ଜିତିଥାନ୍ତେ । ଫିଲ୍ମଟି ୧୦-୧୧ ଟି ଜାତୀୟ ପୁରସ୍କାର ପାଇଥିଲା । କିନ୍ତୁ ଶେଷ ମୁହୂର୍ତ୍ତରେ ନିଷ୍ପତ୍ତିି ବଦଳିଗଲା ଆଉ ଜାତୀୟ ଫିଲ୍ମ ପୁରସ୍କାର ପାଇବାରୁ ସେ ବଞ୍ଚିତ ହେଲେ । କେବଳ ମା ଙ୍କ ପାଇଁ ଏହି ପୁରସ୍କାର ଜିତିବା ଆଶାରେ ଅଭିନୟ କ୍ଷେତ୍ରରେ ପାଦ ଦେଇଥିବା କୀର୍ତ୍ତି କହିଛନ୍ତି ।