କୀଟନାଶକ ପିଇ ଜୀବନ ହାରିଲେ ଚାଷୀ
କୀଟନାଶକ ପିଇ ଜୀବନ ହାରିଲେ ଚାଷୀ
admin
2674
କେନ୍ଦ୍ରାପଡ଼ା:ପୁଣି ରାଜ୍ୟରେ ଜଣେ ଚାଷୀ ଆତ୍ମହତ୍ୟା କରିଥିବା ଅଭିଯୋଗ ଆସିଛି। ଏହି ଚାଷୀଜଣକ ବାତ୍ୟା ବୁଲବୁଲରେ ଫସଲ ନଷ୍ଟ ଏବଂ ଋଣ ଭାର କାରଣରୁ ଜୀବନ ହାରିଥିବା କୁହାଯାଉଛି।
ସୂଚନା ଅନୁଯାୟୀ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ଅନ୍ତର୍ଗତ ନୂରୁଗାଁର ରାମଚନ୍ଦ୍ର ବାରିକ ନାମକ ଏହି ଚାଷୀ କରଜ କରି ଚାଷ କରିଥିଲେ। ସେହି ଫସଲ ନଷ୍ଟ ହେବାଫଳରେ ରାମଚନ୍ଦ୍ର ଆଜି ଭୋର ୪ଟା ବେଳେ କୀଟନାଶକ ପିଇ ଦେଇଥିଲେ। ଏହାପରେ ତାଙ୍କୁ ପରିବାର ଲୋକେ ନିକଟସ୍ଥ ହସ୍ପିଟାଲକୁ ନେଇଥିଲେ ,ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ରାମଚନ୍ଦ୍ର ଚାଷ ଲାଗି ଲକ୍ଷାଧିକ ଟଙ୍କାର ଋଣ କରିଥିବା କାରଣରୁ ଚାପଗ୍ରସ୍ତ ଥିଲେ ବୋଲି ପରିବାର ପକ୍ଷରୁ କୁହାଯାଇଛି।ସେ ୪ ଏକର ଜମିରେ ଧାନ ଚାଷ କରିଥିଲେ, ବାତ୍ୟା ବୁଲବୁଲରେ ଫସଲ ନଷ୍ଟ ହୋଇଥିଲା। ଚାଷ ଉପରେ ନିର୍ଭର କରି ନିଜ ପରିବାର ଚଳାଉଥିବା ରାମଚନ୍ଦ୍ର କିଛି ଦିନ ହେବ ଏଥିନେଇ ମାନସିକ ଚାପରେ ଥିଲେ ବୋଲି କୁହାଯାଇଛି।
