କଟକ-ପୁରୀ ବାଇପାସ ରୋଡ୍ ଆଲୋକୀକରଣ
କଟକ-ପୁରୀ ବାଇପାସ ରୋଡ୍ ଆଲୋକୀକରଣ
admin
2731
ଭୁବନେଶ୍ୱର:କଟକ-ପୁରୀ ବାଇପାସ ରୋଡ୍ ଆଲୋକୀକରଣ ବ୍ୟବସ୍ଥା କରାଯାଇଛି । ଆଲୋକୀକରଣ ବ୍ୟବସ୍ଥାର ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭୁବନେଶ୍ୱର-ପୁରୀ ବାଇପାସ୍ ରାସ୍ତାରୁ ସବୁଦିନ ପାଇଁ ଅନ୍ଧାର ହଟିଲା ।
ହାଇଟେକ ଛକରୁ ଦୟା ନଦୀ ପୋଲ ଯାଏ ୧୨ କିମି ରାସ୍ତାକୁ ଆଲୋକୀକରଣ କରାଯାଇଛି । ଏହି ଆଲୋକୀକରଣ ଯୋଗୁଁ ଏକାମ୍ର, ମଧ୍ୟ ଭୁବନେଶ୍ୱର, ଉତର ଭୁବନେଶ୍ୱର ଓ ଜୟଦେବ ବାସିନ୍ଦା ଉପକୃତ ହେବେ । ଏଥିରେ ୩୮୭ ବିଦୁ୍ୟତ ଖୁଂଟ, ୩ଟି ହାଇମାସ୍କ ଲାଇଟ ରହିଛି । ପଳାଶୁଣୀ, କେଶୁରା, ଟଙ୍କପାଣି ସାଇମନ୍ଦିର ଓ ଲିଙ୍ଗିପୁର ଛକରେ ହାଇମାସ୍କ ଲାଇଟ୍ ଲାଗିଛି । ବିଦ୍ୟୁତ୍ ନିୟନ୍ତ୍ରଣ ପାଇଁ ୪ଟି ଟ୍ରାନସଫର୍ମର ବ୍ୟବସ୍ଥା କରାଯାଇଛି । ୨୦୧୭ରେ ପ୍ରକଳ୍ପକୁ ମଞ୍ଜୁରୀ ମିଳିଥିଲା । ଏହି ଆଲୋକୀକରଣ ବ୍ୟବସ୍ଥାରେ ପ୍ରାୟ ୩ କୋଟି ଟଙ୍କା ଖର୍ଚ୍ଚ କରାଯାଇଛି ।
ସୂଚନାଯୋଗ୍ୟ ଯେ ଭୁବନେଶ୍ବର ମହାନଗର ନିଗମ ପକ୍ଷରୁ ଏଥିରେ ୩୮୭ଟି ଖୁଣ୍ଟିରେ ୧୨୦ ୱାଟ ବିଶିଷ୍ଟ ୭୭୪ଟି ଏଲ୍ଇଡି ଲାଇଟ ଲଗାଯାଇଛି ଏବଂ ଲିଙ୍ଗିପୁର, କେଶୁରା ଓ ପାଣ୍ଡରା ଠାରେ ୩ଟି ହାଇମାଷ୍ଟ ଲାଇଟ ଲଗାଯାଇଛି। ଏଥିପାଇଁ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ୨.୮୫ କୋଟି ଟଙ୍କା ବ୍ୟୟ କରାଯାଇଛି।
ଭୁବନେଶ୍ବର ମହାନଗର ଅଞ୍ଚଳ ମଧ୍ୟରେ ନିଗମ ପକ୍ଷରୁ ଉଜ୍ଜଳ ଆଲୋକୀକରଣ କାର୍ଯ୍ୟକ୍ରମ ଜାରି ରହିଛି। ବର୍ତ୍ତମାନ ସହରର ବିଭିନ୍ନ ସ୍ଥାନରେ ୪୦ ହଜାରରୁ ଅଧିକ ଲାଇଟ ଲଗାଯାଇଛି। ଖୁବ୍ଶୀଘ୍ର ଅଧିକ ଆଲୋକୀକରଣ ପାଇଁ ଆଉ ୬.୭ କୋଟି ଟଙ୍କା ବିନିଯୋଗ କରାଯିବ।
ଏହି କାର୍ଯ୍ୟକ୍ରମରେ ପଞ୍ଚାୟତିରାଜ ଓ ପାନୀୟ ଜଳ ତଥା ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ଶ୍ରୀ ପ୍ରତାପ ଜେନା, ବିଜ୍ଞାନ ଓ ପ୍ରଯୁକ୍ତି ମନ୍ତ୍ରୀ ଶ୍ରୀ ଅଶୋକ ଚନ୍ଦ୍ର ପଣ୍ଡା, ଭୁବନେଶ୍ବର ମଧ୍ୟ ବିଧାୟକ ଶ୍ରୀ ଅନନ୍ତ ନାରାୟଣ ଜେନା ଏବଂ ଭୁବନେଶ୍ବରର ଉତ୍ତର ବିଧାୟକ ଶ୍ରୀ ସୁଶାନ୍ତ କୁମାର ରାଉତ ପ୍ରମୁଖ ଯୋଗ ଦେଇଥିଲେ । ମ୍ୟୁନିସପାଲ ଆଡମିନିଷ୍ଟ୍ରେସନର ନିର୍ଦ୍ଦେଶକ ଶ୍ରୀ ସଂଗ୍ରାମଜିତ ନାୟକ ସ୍ବାଗତ ଭାଷଣ ଦେଇଥିଲେ ଏବଂ ମହାନଗର ନିଗମର କମିଶନର ଶ୍ରୀ ପ୍ରେମଚନ୍ଦ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ।
