କଙ୍ଗନାଙ୍କୁ ନ୍ୟାୟ ଦାବିରେ ରାଜ୍ୟପାଳଙ୍କୁ ଭେଟିଲେ ଅଠାୱଲେ
କଙ୍ଗନାଙ୍କୁ ନ୍ୟାୟ ଦାବିରେ ରାଜ୍ୟପାଳଙ୍କୁ ଭେଟିଲେ ଅଠାୱଲେ
admin
3734
ମୁମ୍ବାଇ : ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କୁ ନ୍ୟାୟ ଦେବା ପାଇଁ ମହାରାଷ୍ଟ୍ର ରାଜ୍ୟପାଳଙ୍କୁ ଭେଟିଛନ୍ତି ରାମଦାସ ଅଠାୱଲେ । କେନ୍ଦ୍ରମନ୍ତ୍ରୀ ରାମଦାସ ଅଠାୱଲେ ଶୁକ୍ରବାର ରାଜ୍ୟପାଳ ଭଗତ ସିଂ କୋଶ୍ୟାରୀଙ୍କୁ ଭେଟିବା ସହିତ କଙ୍ଗନାଙ୍କୁ ନ୍ୟାୟ ପ୍ରଦାନ ପାଇଁ ଦାବି କରିଛନ୍ତି । ବିଏମସି ପକ୍ଷରୁ ଅନୈତିକ ଉପାୟରେ କଙ୍ଗନାଙ୍କ କାର୍ଯ୍ୟାଳୟ ଭଙ୍ଗାଯାଇଥିବାରୁ ତୁରନ୍ତ କ୍ଷତିପୂରଣ ପ୍ରଦାନ କରିବା ପାଈଁ ଅଠାୱଲେ ଦାବି କରିଛନ୍ତି । ଏହା ସହିତ କୋର୍ଟଙ୍କ ଆଦେଶ ସତ୍ତ୍ୱେ ବିଏମସି ଭଙ୍ଗ କରିଥିବାରୁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ବୋଲି ଅଠାୱଲେ କହିଛନ୍ତି ।
ଉଲ୍ଲେଖଯୋଗ୍ୟ ଯେ, କଙ୍ଗନାଙ୍କ ପିଓକେ ମନ୍ତବ୍ୟ ପରେ ବିବାଦ ସୃଷ୍ଟି ହୋଇଥିବା ବେଳେ ବିଏମସି ପକ୍ଷରୁ ନୋଟିସ ଦିଆଯିବାର ୨୪ ଘଣ୍ଟା ମଧ୍ୟରେ କଙ୍ଗନାଙ୍କ ଘରର କିଛି ଅଂଶକୁ ଭାଙ୍ଗି ଦିଆଯାଇଥିଲା । ଏହାକୁ ନେଇ କଙ୍ଗନା ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କୁ ସମାଲୋଚନା କରିଥିବା ବେଳେ ଏହାକୁ ନେଇ ମାମଲା ରୁଜୁ କରାଯାଇଥିଲା ।
