କଂଗ୍ରେସରେ ରାହୁଲଙ୍କ ବିକଳ୍ପ ଖୋଜା ଚାଲିଛି
କଂଗ୍ରେସରେ ରାହୁଲଙ୍କ ବିକଳ୍ପ ଖୋଜା ଚାଲିଛି
admin
3442
ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନରେ କଂଗ୍ରେସର ବଡ଼ ଧରଣର ବିପର୍ଯ୍ୟୟ ଦଳକୁ ଦୋହଲାଇ ଦେଇଛି । ରାହୁଲ ଗାନ୍ଧୀ କଂଗ୍ରେସ ସଭାପତି ପଦରୁ ଇସ୍ତଫା ପ୍ରତ୍ୟାହାର ନ କରିବା ଜିଦ୍ରେ ଅଟଳ ରହିଥିବାରୁ ଏବେ କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ହେବା ପାଇଁ ଦଳରେ ମନ୍ଥନ ଚାଲିଛି । ଆଜି ଦଳର ବରିଷ୍ଠ ନେତାମାନେ ଏ ବାବଦରେ ଆଲୋଚନା କରିଥିବା ବେଳେ କାର୍ଯ୍ୟକାରୀ ଅଧ୍ୟକ୍ଷ ପଦ ପାଇଁ ଦୌଡ଼ରେ ୪ ନେତାଙ୍କ ନାମ ରହିଛି । ସେମାନେ ହେଲେ ସଚିନ ପାଇଲଟ୍, ଜ୍ୟୋତିରାଦିତ୍ୟ ସିନ୍ଧିଆ, ପ୍ରିୟଙ୍କା ଗାନ୍ଧୀ ଏବଂ ଅଶୋକ ଗେହଲଟ । ଏହି ୪ ନେତାଙ୍କୁ କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ଦିଆଯିବା ସମ୍ଭାବନା ରହିଛି । କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ଦେଇ ରାହୁଲଙ୍କ କାର୍ଯ୍ୟ ବୋଝକୁ କମ୍ କରିବାକୁ ଯୋଜନା ଚାଲିଛି । ରାହୁଲଙ୍କ ନୂତନ ଉତ୍ତରାଧିକାରୀଙ୍କ ନାମକୁ ନେଇ ମଧ୍ୟ ଦଳରେ ମନ୍ଥନ ଜାରି ରହିଥିବା ବେଳେ ଏ ପର୍ଯ୍ୟନ୍ତ କୌଣସି ବିକଳ୍ପ ସାମ୍ନାକୁ ଆସିନାହିଁ । ରାହୁଲଙ୍କ ଇସ୍ତଫା ଗ୍ରହଣ ନ କରିବାକୁ ଦଳୀୟ ନେତାଙ୍କ ପ୍ରବଳ ଚାପ ଯୋଗୁଁ ଏ ଦିଗରେ ଦଳ କୌଣସି ନିଷ୍ପତ୍ତିରେ ପହଞ୍ଚି ପାରିନାହିଁ ।
