ଓଡ଼ିଶାରୁ ବର୍ତ୍ତମାନ ସୁଦ୍ଧା ୧୧୨ ଟ୍ୟାଙ୍କର ଯୋଗେ ଗଲାଣି ୨୧୧୨ ଟନରୁ ଅଧିକ ଅକ୍ସିଜେନ
ଓଡ଼ିଶାରୁ ବର୍ତ୍ତମାନ ସୁଦ୍ଧା ୧୧୨ ଟ୍ୟାଙ୍କର ଯୋଗେ ଗଲାଣି ୨୧୧୨ ଟନରୁ ଅଧିକ ଅକ୍ସିଜେନ
admin
3580
କଟକ : ଓଡ଼ିଶାରୁ ବର୍ତ୍ତମାନ ସୁଦ୍ଧା ୧୧୨ ଟ୍ୟାଙ୍କର ଯୋଗେ ୨୧୧୨.୦୫୧ ଟନରୁ ଅଧିକ ଅକ୍ସିଜେନ ବିଭିନ୍ନ ରାଜ୍ୟକୁ ପଠାଯାଇଛି । ଅନୁଗୁଳ, ରାଉରକେଲା, ଢେଙ୍କାନାଳ ଏବପ୍ସ ଯାଜପୁର ଜିଲ୍ଲାରୁ ଆନ୍ଧ୍ରପ୍ରଦେଶ, ତେଲେଙ୍ଗାନା, ମଧ୍ୟପ୍ରଦେଶ, ତାମିଲନାଡ଼ୁ, ମହାରାଷ୍ଟ୍ର, ଉତ୍ତରପ୍ରଦେଶ, ହରିଆଣାକୁ ଅକ୍ସିଜେନ ପଠାଯାଇଛି । ଅକ୍ସିଜେନ ନେଇଯାଉଥିବା ଟ୍ୟାଙ୍କର ଗୁଡ଼ିକର ସହଜ ଯାତାୟତ ନିମନ୍ତେ ଏକ ସ୍ୱତନ୍ତ୍ର ଗ୍ରିନ କରିଡ଼ର ପ୍ରସ୍ତୁତ କରାଯାଇଛି । ରାଜ୍ୟ ତଥା ରାଜ୍ୟ ବାହାରକୁ ଅକ୍ସିଜେନ ନେଇ ଯାଉଥିବା ଟ୍ୟାଙ୍କର ଗୁଡ଼ିକର ଯାତାୟାତରେ ଯେମିତି କିଛି ଅସୁବିଧା ନ ଉପୁଜିବ, ସେ ନେଇ ରାଜ୍ୟ ପୁଲିସ ତରଫରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।
ଅନୁଗୁଳ ଜିଲ୍ଲାରୁ ୧୮ଟି ଟ୍ୟାଙ୍କର ଯୋଗେ ୨୭୮.୭ ଟନ, ଢେଙ୍କାନାଳ ଜିଲ୍ଲାରୁ ୧୪ଟି ଟ୍ୟାଙ୍କର ଯୋଗେ ୨୩୧.୧୬ ଟନ, ଯାଜପୁର ଜିଲ୍ଲାକୁ ୩୩ଟି ଟ୍ୟାଙ୍କର ଯୋଗେ ୭୦୨.୭୪ ଟନ ଏବଂ ରାଉରକେଲାରୁ ୪୭ଟି ଟ୍ୟାଙ୍କର ଯୋଗେ ୮୯୯.୪୫୧ ଟନ ଅକ୍ସିଜେନ ବିଭିନ୍ନ ରାଜ୍ୟକୁ ପଠାଯାଇଛି । ୩୮ଟି ଟ୍ୟାଙ୍କରରେ ଆନ୍ଧ୍ରପ୍ରଦେଶକୁ ୮୧୧.୦୪ ଟନ, ୨୭ଟି ଟ୍ୟାଙ୍କର ଯୋଗେ ତେଲେଙ୍ଗାନାକୁ ୪୭୯.୪୧୯ଟନ, ତାଲିମନାଡୁକୁ ୨ଟି ଟ୍ୟାଙ୍କର ଯୋଗେ ୩୬.୧ଟନ, ହରିଆଣାକୁ ୮ଟି ଟ୍ୟାଙ୍କରରେ ୧୮୭.୫୧୨ ଟନ, ମହାରାଷ୍ଟ୍ରକୁ ୬ଟି ଟ୍ୟାଙ୍କରରେ ୧୧୨.୦୬ ଟନ, ଛତିଶଗଡ଼କୁ ୫ଟି ଟ୍ୟାଙ୍କରରେ ୭୮.୨୨ଟନ, ଉତ୍ତରପ୍ରଦେଶକୁ ୯ଟି ଟ୍ୟାଙ୍କର ଯୋଗେ ୧୫୬.୩୮ ଟନ, ୧୭ଟି ଟ୍ୟାଙ୍କର ଯୋଗେ ୨୫୧.୩୨ ଟନ ଅକ୍ସିଜେନ ମଧ୍ୟପ୍ରଦେଶକୁ ଯୋଗାଇ ଦିଆଯାଇଛି । ଅତିରିକ୍ତ ଆରକ୍ଷୀ ମହାନିଦେ୍ର୍ଧଶକ (ଆଇନ ଓ ଶୃଙ୍ଖଳା) ଯଶୋୱନ୍ତ ଜେଠୱାଙ୍କ ତତ୍ତ୍ୱାବଧାନରେ ଅକ୍ସିଜେନ ଯୋଗାଣ କାର୍ଯ୍ୟକ୍ରମକୁ ତ୍ୱରାନ୍ୱିତ କରାଯାଉଛି । ଜିଲ୍ଲାର ସମସ୍ତ ଏସପି, ଡିସିପି, ରେପ୍ସଜ ଡିଆଇଜି, ଆଇଜି ଏବଂ ପୁଲିସ କମିସନର ନିଜ ନିଜ ଅଞ୍ଚଳରେ ଏହି କାର୍ଯ୍ୟକୁ ତ୍ୱରାନ୍ୱିତ କରିବାକୁ ନିଦେ୍ର୍ଧଶ ଦିଆଯାଇଛି ।
