ଓଡ଼ିଶାକୁ ୧୦ କିସ୍ତିରେ ମିଳିଲା ୨୩୭୦ କୋଟି

Jan 6, 2021 - 11:45 Updated: Jan 6, 2021 - 11:45

3021

ନୂଆଦିଲ୍ଲୀ: କେନ୍ଦ୍ର ସରକାର ରାଜ୍ୟଗୁଡ଼ିକୁ ଜିଏସଟି କ୍ଷତିପୂରଣ ଦଶମ କିସ୍ତି ଜାରି କରିଛନ୍ତି । ଦେଶର ୨୩ଟି ରାଜ୍ୟ ଓ ୩ଟି କେନ୍ଦ୍ର ଶାସିତ ଅଞ୍ଚଳକୁ ଆଉ ୬୦୦୦ କୋଟି ଟଙ୍କା ଦିଆଯାଇଛି । ଦଶ ଥରରେ ରାଜ୍ୟ ଗୁଡ଼ିକୁ ମୋଟ ୬୦ ହଜାର କୋଟି ଟଙ୍କା ହସ୍ତାନ୍ତର କରାଯାଇଛି । ସେଥିରୁ ଓଡ଼ିଶାକୁ ୨୩୭୦.୩୭ କୋଟି ଟଙ୍କା ମିଳିଛି । କରୋନା ମହାମାରୀ ପ୍ରଭାବ ଯୋଗୁଁ କ୍ଷତିପୂରଣ ରାଶି ଯୋଗାଡ଼ ହୋଇପାରୁନଥିବାରୁ କେନ୍ଦ୍ର ସରକାର ନିଜ ଆଡୁ ଋଣ କରି ରାଜ୍ୟଗୁଡ଼ିକୁ କ୍ଷତିପୂରଣ ରାଶି ଦେଉଛନ୍ତି । ଏଥିପାଇଁ ଭାରତୀୟ ରିଜର୍ଭ ବ୍ୟାଙ୍କରେ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଏଥିରେ ୬ ହଜାର କୋଟି ଟଙ୍କାକୁ ୪.୧୫୨୬% ସୁଧ ହାରରେ ଅଣାଯାଇଛି । ଜିଏସଟି କ୍ଷତିପୂରଣର ପ୍ରଥମ କିସ୍ତି ଅକ୍ଟୋବର ୨୩ ରେ ଦିଆଯାଇଥିଲା ।