ଏହି ସ୍ଥାନରେ ବିମାନ ଭଡ଼ାଠୁ ବଳଦ ଗାଡ଼ି ଯାତ୍ରା ମହଙ୍ଗା
ଏହି ସ୍ଥାନରେ ବିମାନ ଭଡ଼ାଠୁ ବଳଦ ଗାଡ଼ି ଯାତ୍ରା ମହଙ୍ଗା
admin
2303
ବିଶ୍ୱରେ ଏଭଳି ଅନେକ ସ୍ଥାନ ରହିଛି, ଯେଉଁଠି ବିଶ୍ୱାସ-ଅନ୍ଧବିଶ୍ୱାସ ଯୋଗୁଁ ଅଧିକ ଖର୍ଚ୍ଚ କରିବାକୁ ପଡ଼େ । ଭାରତରେ ଏଭଳି ଏକ ସ୍ଥାନ ଅଛି, ଯେଉଁଠି ଆପଣଙ୍କୁ ବଳଦ ଗାଡ଼ିରେ ଯାତ୍ରା କରିବା ପାଇଁ ୫-୬ ହଜାର ଟଙ୍କା ଭଡ଼ା ଦେବାକୁ ପଡ଼ିବ । ଯଦି କେହି ଆପଣଙ୍କୁ ପଚାରିବେ ଯେ ୫-୭ କିମି ଦୂର ବଳଦ ଗାଡ଼ିରେ ଯାତ୍ରା ପାଇଁ ଭଡ଼ା କେତେ? ତେବେ ଆପଣ ପ୍ରାୟ ୫୦ ରୁ ୮୦ ଟଙ୍କା, ଅତିବେଶୀରେ ୧୦୦ ଟଙ୍କା କହିବେ ନିଶ୍ଚୟ । କିନ୍ତୁ ମଧ୍ୟପ୍ରଦେଶର ରତଲାମ ଜିଲ୍ଲାରେ ବଳଦ ଗାଡ଼ି ଯାତ୍ରା ବିମାନ ଯାତ୍ରାଠୁ ବି ମହଙ୍ଗା । ଏଠାରେ ବଳଦ ଗାଡ଼ିରେ ଯାତ୍ରା ପାଇଁ ଆପଣଙ୍କୁ ୫-୬ ହଜାର ଟଙ୍କା ଦେବାକୁ ପଡ଼ିବ । ଏଠାକାର ବିବରୋଡ ଗାଁରେ ଥିବା ରଷଭଦେବ ମନ୍ଦିର ପର୍ଯ୍ୟନ୍ତ ବଳଦ ଗାଡ଼ିରେ ପହଞ୍ଚିବା ପାଇଁ ଲୋକଙ୍କୁ ବିମାନ ଯାତ୍ରାଠୁ ମଧ୍ୟ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼େ । ଏ ନେଇ ଏକ ବିଶେଷ କାରଣ ରହିଛି । ବଳଦ ଗାଡ଼ିରେ ରଷଭଦେବ ମନ୍ଦିର ଯାତ୍ରା କଲେ, ଜୀବନରେ ସୁଖ ସମୃଦ୍ଧି ବୃଦ୍ଧି ହୁଏ ବୋଲି ବିଶ୍ୱାସ ରହିଛି । ସେଥିପାଇଁ ଅନେକ ଲୋକ ପୂର୍ବରୁ ବଳଦ ଗାଡ଼ି ବୁକ୍ କରିଥାନ୍ତି । ୨-୩ ଜଣିଆ ପରିବାର ଛୋଟ ବଳଦ ଗାଡ଼ି ବୁକ୍ କରନ୍ତି, ଯାହାର ଭଡ଼ା ପ୍ରାୟ ୨ ହଜାର ଟଙ୍କା । ବଡ଼ ପରିବାର ବଡ଼ ବଳଦଗାଡ଼ି ବୁକ୍ କରନ୍ତି । ଯାହାର ଭଡ଼ା ପ୍ରାୟ ୫ ରୁ ୮ ହଜାର ଟଙ୍କା ।
