ଏହି ମତ୍ସ୍ୟଜୀବୀ ଜଣଙ୍କ ରଙ୍କରୁ ରାଜା ପାଲଟିଗଲେ, କାଣନ୍ତୁ କେମିତି ହେଲେ
ଏହି ମତ୍ସ୍ୟଜୀବୀ ଜଣଙ୍କ ରଙ୍କରୁ ରାଜା ପାଲଟିଗଲେ, କାଣନ୍ତୁ କେମିତି ହେଲେ
admin
2242
କୁହାଯାଏ ଯେ ଯେତେବେଳେ ଭାଗ୍ୟଦେବୀ କାହା ଉପରେ ପ୍ରସନ୍ନ ହୁଅନ୍ତି, ସେତେବେଳେ ସେ ରଙ୍କରୁ ରାଜା ପାଲଟି ଯାଆନ୍ତି । ଥାଇଲାଣ୍ଡରୁ ସେଭଳି ଏକ ଖବର ସାମ୍ନାକୁ ଆସିଛି । ସେଠାକାର ଜଣେ ମତ୍ସ୍ୟଜୀବୀ ନିକଟରେ ଏଭଳି ସୌଭାଗ୍ୟର ଅଧିକାରୀ ହୋଇଛନ୍ତି । ସମୁଦ୍ର କୂଳରୁ ତାଙ୍କୁ ୭.୬୮ ଗ୍ରାମ ଓଜନ ବିଶିଷ୍ଟ କମଳା ରଙ୍ଗର ଏକ ବିରଳ ମୋତି ମିଳିଛି ତାର ମୂଲ୍ୟ ପ୍ରାୟ ୨ କୋଟି ରୁ ଊଦ୍ଧ୍ୱର୍ ହେବ । ଜାନୁଆରୀ ୨୭ ତାରିଖରେ ହାଟଚାଇ ନାୟୋମଦେଚା (୩୭) ଏବଂ ତାଙ୍କ ଭାଇ ୱୋରାଚାଟ ନାୟୋମଦେଚା (୩୫) ଥାଇଲାଣ୍ଡର ନାଖନ ସି ଥାମାରାଟ ନିକଟରେ ସମୁଦ୍ରକୂଳରେ ବୁଲୁଥିଲେ । ଅଚାନକ ହାଟରାଇଙ୍କ ନଜର ଏକ ପପରିତ୍ୟକ୍ତ ଭେଳା ଉପରେ ପଡ଼ିଲା । ତାହା ଶାମୁକାପୂର୍ଣ୍ଣ ଥିଲା । ଖାଇବା ଲାଗି ଯୋଜନା କରି ସେଥିରୁ ସେ ୩ଟି ଶାମୁକା ଆଣି ଘରକୁ ଫେରିଲେ । ତେବେ ଶାମୁକା ଗୁଡ଼ିକୁ ସଫା କରିବା ସମୟରେ ତାଙ୍କ ବାପା ସେଥି ମଧ୍ୟରୁ ଗୋଟିଏ ଶାମୁକା ଭିତରେ ଏକ କମଳା ରଙ୍ଗର ମୋତି ଥିବା ଦେଖିଲେ । ମୋତିର ଚମକକୁ ଦେଖି ସେ ଆଶ୍ଚର୍ଯ୍ୟ ହୋଇଗଲେ । ତାହା ବିରଳ ମୋତି ବୋଲି ସେ ଜାଣିପାରିଲେ । ସେହି ମୋତିକୁ ହାଟଚାଇ ଉଚ୍ଚା ଦରରେ ବିକି୍ର କରିବାକୁ ଲକ୍ଷ୍ୟ ରଖିଛନ୍ତି । ସେଥିପାଇଁ ୩ ଜଣ ବ୍ୟାପାରୀଙ୍କ ସହ କଥା ହୋଇଛନ୍ତି । ସବୁକିଛି ଠିକ ରହିଲେ ୨ କୋଟି ଟଙ୍କାରେ ମୋତିଟିକୁ ବିକି୍ର କରାଯିବ ।
