ଉତ୍ତରାଖଣ୍ଡରେ ୭୦ ଆସନରେ ପ୍ରତିଦ୍ୱନ୍ଦିତା କରିବ ଆପ୍
ଉତ୍ତରାଖଣ୍ଡରେ ୭୦ ଆସନରେ ପ୍ରତିଦ୍ୱନ୍ଦିତା କରିବ ଆପ୍
admin
5486
ନୂଆଦିଲ୍ଲୀ : ଆସନ୍ତା ଉତ୍ତରାଖଣ୍ଡ ବିଧାନସଭା ନିର୍ବାଚନରେ ଅରବିନ୍ଦ କେଜ୍ରିୱାଲଙ୍କ ଆପ୍ ଅଂଶଗ୍ରହଣ କରିବ । ଆପର ମୁଖିଆ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଗୁରୁବାର ଦିନ ଏହି ଘୋଷଣା କରିଛନ୍ତି । ଦଳ ପକ୍ଷରୁ ଏହି ପାହାଡୀ ରାଜ୍ୟରେ ଏକ ସର୍ବେକ୍ଷଣ କରାଯାଇଥିଲା । ଏହି ସର୍ବେକ୍ଷଣର ୬୨ ପ୍ରତିଶତ ଲୋକ ଆପକୁ ସମର୍ଥନ ଜାହିର କରିଥିଲେ । ରାଜ୍ୟରେ କଂଗ୍ରେସ ନିଜର ଅସ୍ତିତ୍ୱ ହରାଇ ସାରିଥିବା ବେଳେ ଆପ୍ ଏହାର ଫାଇଦା ନେବାକୁ ଚେଷ୍ଟା କରାଯିବ ବୋଲି କେଜ୍ରିୱାଲ କହିଛନ୍ତି । ଆପ୍ ଉତ୍ତରାଖଣ୍ଡର ସମସ୍ତ ୭୦ ଆସନରେ ପ୍ରତିଦ୍ୱନ୍ଦିତା କରିବ ବୋଲି କେଜ୍ରିୱାଲ ସୂଚନା ଦେଇଛନ୍ତି । ଉଲ୍ଲେଖଯୋଗ୍ୟ ଯେ, ଦୁଇ ବର୍ଷ ମଧ୍ୟରେ ଦିଲ୍ଲୀରେ କ୍ଷମତା ହାସଲ କରିଥିବା ଆପ୍ ପୂର୍ବରୁ ପଞ୍ଜାବ ଏବଂ ଗୋଆରେ ପ୍ରତିଦ୍ୱନ୍ଦିତା କରିଥିଲା । ସେହିପରି ଆଗାମୀ ଦିନରେ ଦଳ ମଧ୍ୟପ୍ରଦେଶ ଏବଂ କର୍ଣ୍ଣାଟକରେ ମଧ୍ୟ ନିର୍ବାଚନୀ ମଇଦାନକୁ ଓହ୍ଲାଇବ ବୋଲି କେଜ୍ରିୱାଲ ପ୍ରକାଶ କରିଛନ୍ତି ।
