ଆରସିବିର ନୂଆ ଲୋଗୋକୁ ନେଇ ନାପସନ୍ଦ କଲେ କୋହଲି
ଆରସିବିର ନୂଆ ଲୋଗୋକୁ ନେଇ ନାପସନ୍ଦ କଲେ କୋହଲି
admin
4983
ହାମିଲଟନ: ଇଣ୍ଡିଆନ ପ୍ରିମିୟର ଲିଗ (ଆଇପିଏଲ)ର ତ୍ରୟୋଦଶ ସଂସ୍କରଣ ପାଇଁ ରୟାଲ ଚାଲେଞ୍ଜର୍ସ ବାଙ୍ଗାଲୋର (ଆରସିବି) ଏହାର ନୂଆ ଲୋଗୋ ଉନ୍ମୋଚନ କରିଛି । ନୂଆ ଲୋଗୋରେ ସିଂହକୁ ପ୍ରତୀକ ରଖାଯାଇଛି । ଯାହାକି ସାହସ ଓ ନିର୍ଭୟ ଆଚରଣର ପ୍ରତିନିଧିତ୍ୱ କରିଛି । ‘ଆପଣ ଯାହାକୁ ଅପେକ୍ଷା କରିଥିଲେ, ଏହା ସେଇଟି । ନୂଆ ଦଶନ୍ଧି, ନୂଆ ଆରସିବି, ନୂଆ ଲୋଗୋ’ ସାହସର ସହ ଖେଳ ବୋଲି ଆରସିବି ନିଜ ଟ୍ୱିଟରେ ଉଲ୍ଲେଖ କରିଛି । ହେଲେ ଆରସିବିର ଅଧିନାୟକ ବିରାଟ କୋହଲି ଏହାକୁ ନାପସନ୍ଦ କରିଛନ୍ତି । ଏଭଳି ନୂଆ ଲୋଗୋର ମାନେ କଣ ବୋଲି ମଧ୍ୟ ସେ ପଚାରିଛନ୍ତି । ପୂର୍ବତନ ଆରସିବି ଏହାର ସାମାଜିକ ଗଣମାଧ୍ୟମ ଆକାଉଣ୍ଟରୁ କୋହଲିଙ୍କ ପ୍ରୋଫାଇଲ ଛବି, ଡିସପ୍ଲେ ଛବି, କଭର ଛବି ଏବଂ ପୋଷ୍ଟ ସବୁକୁ ମଧ୍ୟ ହଟାଇ ଦେଇଥିଲା । ଫ୍ରାଞ୍ଚାଇଜ ଏହାର ସାମାଜିକ ଗଣମାଧ୍ୟମର ନାମକୁ ମଧ୍ୟ ‘ରୟାଲ ଚାଲେଞ୍ଜର୍ସ ବାଙ୍ଗାଲୋର’ରୁ ପରିବର୍ତ୍ତନ କରି ‘ରୟାଲ ଚାଲେଞ୍ଜର୍ସ’ କରିଦେଇଥିଲା । କୋହଲିଙ୍କ ବିନା ପରାମର୍ଶରେ ଏହା କରାଯାଇଥିବାରୁ ସେ ମଧ୍ୟ ଆଶ୍ଚର୍ଯ୍ୟ ପ୍ରକଟ କରିଥିଲେ । ଦଳର ଅନ୍ୟ ଦୁଇ ସଦସ୍ୟ ୟୁଜବେନ୍ଦ୍ର ଚହଲ, ଏବି ଡି.ଡିଭିଲର୍ସ ମଧ୍ୟ ଟ୍ୱିଟ କରି କୋହଲିଙ୍କୁ ସମର୍ଥନ କରିଥିଲେ । ଆରସିବି ପୁଣି ଏକ ଟ୍ୱିଟରେ ଲେଖିଛି ‘ଲୋଗୋ କା କାମ ହୈ କେହନା’ । ଲୋଗୋ ଉନ୍ମୋଚନ ଉତ୍ସବରେ ଆରସିବିର ଅଧ୍ୟକ୍ଷ୨ ସଞ୍ଜୀବ ଚୌରାସିଆ କହିଛନ୍ତି ‘ପ୍ରଶଂସକମାନେ ଦଳର ମୁଖ୍ୟ ଶକ୍ତି ସାହସର ସହ ଖେଳିବା ପାଇଁ ପରିବର୍ତ୍ତନର ଆବଶ୍ୟକତା ଥିଲା ।
ସୂଚନା ଯୋଗ୍ୟ ୨୦୦୮ ମସିହାଠାରୁ ଆଇପିଏଲ ଆରମ୍ଭ ହୋଇଥିବା ବେଳେ ଆରସିବି ଥରେ ବି ବିଜେତା ହୋଇପାରିନାହିଁ । ମାର୍ଚ୍ଚ ୨୯ ରୁ ଆରମ୍ଭ ହେଉଥିବା ନୂଆ ଋତୁ ପାଇଁ ଆରସିବି ମଧ୍ୟ ମୁଥୁଥ ଫିନକର୍ପକୁ ୩ ବର୍ଷ ଲାଗି ମୁଖ୍ୟ ପ୍ରଯୋଜକ କରିଛି ।
