ଆମେରିକା ଦୂତାବାସ ଉପରେ ଆକ୍ରମଣ

Jan 5, 2020 - 05:41 Updated: Jan 5, 2020 - 05:41

3605

ବାଗଦାଦ : ଇରାକର ରାଜଧାନୀ ବାଗଦାଦର ଗ୍ରୀନ୍ ଜୋନ୍ରେ ଅବସ୍ଥିତ ଆମେରିକା ଦୂତାବାସ ନିକଟରେ ଶନିବାର ରକେଟ୍ ଆକ୍ରମଣ ହୋଇଛି । ଦୂତାବାସକୁ ଟାର୍ଗେଟ୍ କରି ଏହି ରକେଟ୍ ନିକ୍ଷେପ କରାଯାଇଥିଲେ ମଧ୍ୟ ଏହା ଲକ୍ଷ୍ୟଚୁତ ହୋଇ ଦୂତାବାସଠାରୁ କିଛି ଦୂରରେ ବିସ୍ଫୋରଣ ହୋଇଥିଲା । ସେହିଭଳି ଇରାକ୍ରେ ଅବସ୍ଥିତ ଆମେରିକାର ଏକ ଏୟାରବେସ୍ ଉପରେ ମଧ୍ୟ ରକେଟ୍ ଆକ୍ରମଣ ହୋଇଛି । ତେବେ ଉଭୟ ଆକ୍ରମଣ ଘଟଣାରେ କେହି ମୃତାହତ ହୋଇନାହାନ୍ତି । ଗ୍ରୀନ୍ ଜୋନ୍ରେ ଆମେରିକା ସମେତ ବିଭିନ୍ନ ରାଷ୍ଟ୍ରର ଦୂତାବାସ ରହିଛି । ଶୁକ୍ରବାର ବାଗଦାଦ୍ ବିମାନ ବନ୍ଦର ନିକଟରେ ଆମେରିକାର କ୍ଷେପଣାସ୍ତ୍ର ମାଡ଼ରେ ଇରାନର କମାଣ୍ଡର ଜେନେରାଲ କ୍ୱାସିମ ସୁଲେମାନୀ ନିହତ ହୋଇଥିଲେ । ଶନିବାରର ରକେଟ ଆକ୍ରମଣ ଘଟଣାର ଏହା ସହିତ ସଂପର୍କ ଥିବା କୁହାଯାଉଛି । ଇରାନ୍ ଶନିବାର ଆମେରିକାକୁ ପୁଣି ଧମକ ଦେଇଛି ଯେ ସୁଲେମାନୀଙ୍କ ମୃତୁ୍ୟର ଭୟଙ୍କର ପ୍ରତିଶୋଧ ନିଆଯିବ ।