ଆବଶ୍ୟକ ସ୍ଥଳେ ସେଠାରେ ଲକଡାଉନ କରାଯିବ
ଆବଶ୍ୟକ ସ୍ଥଳେ ସେଠାରେ ଲକଡାଉନ କରାଯିବ
admin
5498
ଭୁବନେଶ୍ୱର: ଯେଉଁଠି ସଂକ୍ରମଣ ବଢିବ ଆବଶ୍ୟକ ସ୍ଥଳେ ସେଠାରେ ଲକଡାଉନ କରାଯିବ । ଜିଲ୍ଲାରେ କୋଭିଡ ସ୍ଥିତି ନେଇ ଖୋର୍ଦ୍ଧା ଜିଲ୍ଲାପାଳ ସନତ ମହାନ୍ତି ଏହା କହିଛନ୍ତି ।
ସେ କହିଛନ୍ତି ଯେ, ଲୋକଙ୍କୁ ସଚେତନ ଓ ସତର୍କ ରହିବାକୁ ରାଜ୍ୟ ସରକାର ନିଦେ୍ର୍ଧଶ ଦେଇଛନ୍ତି । ବାହାରୁ ଆସୁଥିବା ଲୋକଙ୍କ ଉପରେ ନଜର ରଖିବାକୁ ନିଦେ୍ର୍ଧଶ ଦିଆଯାଇଛି । ବହିରାଗତଙ୍କୁ ନଜର ରଖିବାକୁ ବିମାନବନ୍ଦର କର୍ତ୍ତୃପକ୍ଷଙ୍କୁ ନିଦେ୍ର୍ଧଶ ଦେଇଛୁ । ମହାରାଷ୍ଟ୍ର ସମେତ ସବୁ ରାଜ୍ୟ ଲୋକଙ୍କ ଉପରେ ମଧ୍ୟ ନଜର ରଖାଯାଇଛି । ଯେଉଁଠି ସଂକ୍ରମଣ ବଢିବ ଆବଶ୍ୟକସ୍ଥଳେ ସେଠାରେ ଲକଡାଉନ କରାଯିବ । ଦରକାର ପଡ଼ିଲେ କଣ୍ଟେନମେଣ୍ଟ ଜୋନ ଘୋଷଣା ପାଇଁ ନିଦେ୍ର୍ଧଶ ଅଛି ବୋଲି ଖୋର୍ଦ୍ଧା ଜିଲ୍ଲାପାଳ ସନତ ମହାନ୍ତି କହିଛନ୍ତି ।
ପୂର୍ବରୁ କୋଭିଡର ସାମ୍ପ୍ରତିକ ସ୍ଥିତିକୁ ନେଇ ଡିଏମଇଟି ସିବିକେ ମହାନ୍ତି କହିଥିଲେ ଯେ, ବର୍ତ୍ତମାନ ରାଜ୍ୟରେ କୋଭିଡ ସଂଖ୍ୟା କମୁଛି । ଏବେ ଲକଡାଉନର ସମ୍ଭାବନା ନାହିଁ । ମାତ୍ର ଲକଡାଉନର ସମ୍ଭାବନାକୁ ଏଡ଼ାଇ ହେବନାହିଁ । ଲୋକେ ନିଜେ ସଚେତନ ରହିଲେ ଲକଡାଉନକୁ ଏଡ଼ାଇ ହେବ । ମହାରାଷ୍ଟ୍ର ଓ କେରଳରେ ଆମେରିକା ଓ ବ୍ରିଟେନ ପରି ସଂକ୍ରମଣ ନାହିଁ । ସର୍ଭେଲାନ୍ସ ଟିମ ରାଜ୍ୟ ବାହାରୁ ଆସୁଥିବା ଲୋକଙ୍କ ଉପରେ ନଜର ରଖିଛନ୍ତି । କିଛି ବି ଲକ୍ଷଣ ଦେଖାଗଲେ ନିଜେ ଜଣାନ୍ତୁ, ଡାକତରଙ୍କ ପରାମର୍ଶ କରନ୍ତୁ ବୋଲି ଡିଏମଇଟି ସିବିକେ ମହାନ୍ତି କହିଥିଲେ ।
