ଆଡପ ମଣ୍ଡପରୁ ଶ୍ରୀମନ୍ଦିର ଅଭିମୁଖେ ବାହାରିଛନ୍ତି ମହାବାହୁ

Jul 20, 2021 - 05:57 Updated: Jul 20, 2021 - 05:57

2231

ଭୁବନେଶ୍ୱର : ଶ୍ରୀଗୁଣ୍ଡିଚା ମନ୍ଦିର ଆଡପ ମଣ୍ଡପରୁ ଶ୍ରୀମନ୍ଦିର ଅଭିମୁଖେ ବାହାରିଛନ୍ତି ମହାବାହୁ । ଦିନ ୧୨ଟାରେ ପହଣ୍ଡି ନୀତି ଆରମ୍ଭ ହେବ ବୋଲି ଧାର୍ଯ୍ୟ କରାଯାଇଥିଲେବି ୯ଟାରୁ ହିଁ ପହଣ୍ଡି ନୀତି ଶେଷ ହୋଇଛି । ଗୋଟି ପହଣ୍ଡିରେ ନାକଚଣା ଦ୍ୱାର ଦେଇ ଚକ୍ରରାଜ ଶ୍ରୀ ସୁଦର୍ଶନ, ପ୍ରଭୂ ଶ୍ରୀ ବଳଭଦ୍ର ଏବଂ ଦେବୀ ସୁଭଦ୍ରାଙ୍କ ପହଣ୍ଡି ନୀତି ସମ୍ପର୍ଣ୍ଣ ହୋଇଛି । ତିନି ଦିଅଁ ରଥାରୂଢ଼ ହୋଇ ସାରିଛନ୍ତି ।

ଗଜପତି ମହାରାଜ ଦିବ୍ୟସିଂହ ଦେବ ଛେରା ପହଁରା କରିବେ । ଛେରା ପହଁରା ପରେ ରଥ ଟାଣିବା ପାଇଁ ପ୍ରସ୍ତୁତି ଆରମ୍ଭ କରାଯିବ । ସେବାୟତମାନେ ପାରମ୍ପରିକ ବେଶରେ ରଥ ଟାଣିବେ । ସେହିପରି ଶ୍ରୀନଅର ସମ୍ମୁଖରେ ଗଜପତି ମହାରାଜଙ୍କ ଦ୍ୱାରା ଲକ୍ଷ୍ମୀ ନାରାୟଣ ଭେଟ ନୀତି ଅନୁଷ୍ଠିତ ହେବ । ଆସନ୍ତାକାଲି ରଥ ଉପରେ ମହାପ୍ରଭୂଙ୍କ ସୁନାବେଶ କରାଯିବ । ବାହୁଡ଼ା ଯାତ୍ରା ଓ ସୁନାବେଶକୁ ଦୃଷ୍ଟିରେ ରଖି ପୁରୀ ସହରରେ କର୍ଫୁ୍ୟ ଜାରି ହୋଇଛି ।