ଆଜି ହେଉଛି ବିଶ୍ୱକର୍ମା ପୂଜା

Sep 17, 2019 - 04:59 Updated: Sep 17, 2019 - 04:59

1947

ଭୁବନେଶ୍ୱର: ଆଜି ହେଉଛି ବିଶ୍ୱକର୍ମା ପୂଜା । ଦେବଶିଳ୍ପୀ ବିଶ୍ୱକର୍ମା ସମସ୍ତ ଶିଳ୍ପ ଓ ଶିଳ୍ପୀଙ୍କ କୂଳଦେବତା । ଆଜି ଦେବଶିଳ୍ପୀଙ୍କ ପୂଜାକୁ ନେଇ ଓଡିଶାର ପୁରପଲ୍ଲୀ ଚଳଚଞ୍ଚଳ ହୋଇପଡିଛି । ରାଜ୍ୟର ଶିଳ୍ପ ନଗରୀରେ ବିଶ୍ୱକର୍ମାଙ୍କ ପୂଜା ବଡ ଧୁମଧାମରେ ପାଳନ କରାଯାଉଛି । ବିଶେଷ କରି ଶିଳ୍ପ କାରଖାନା ମାନଙ୍କରେ ବିଶ୍ୱକର୍ମାଙ୍କ ପୂଜା ପାଳନ କରାଯାଉଛି । ବିଭିନ୍ନ ଜାଗାରେ ସୁଉଚ୍ଚ ତୋରଣ ମାନ ଦେଖିବାକୁ ମିଳିଛି । ବିଶ୍ୱକର୍ମା ପୂଜାପାଇଁ ପାରାଦୀପ ସହର ଉତ୍ସବ ମୁଖର ହୋଇଉଠିଛି । ଝିଲିମିଲି ଆଲୋକମାଳାରେ ପାରାଦୀପ ଝଲସି ଉଠୁଛି । ବାଦ୍ୟର ତାଳେତାଲେ ପୁରପଲ୍ଲୀ କମ୍ପୁଛି । ପାରାଦୀପରେ ଏହି ପୂଜା ୭ଦିନ ଧରି ଉନୁଷ୍ଠିତ ହେବ । ସେହିପରି ଅନୁଗୁଳର ନାଲକୋ ନଗରରେ ବିଶ୍ୱକର୍ମା ପୂଜା ବଡ ଆଡମ୍ବରରେ ପାଳନ କରାଯାଉଛି ।