ଆଇପିଏଲ ୨୦୨୦ : ଫାଇନାଲ ଲକ୍ଷ୍ୟରେ କ୍ୟାପିଟାଲ୍ସ ବନାମ ଇଣ୍ଡିଆନ୍ସ
ଆଇପିଏଲ ୨୦୨୦ : ଫାଇନାଲ ଲକ୍ଷ୍ୟରେ କ୍ୟାପିଟାଲ୍ସ ବନାମ ଇଣ୍ଡିଆନ୍ସ
admin
4309
ଦୁବାଇ : ଆଇପିଏଳର ୧୩ ତମ ସଂସ୍କରଣରେ ଆଜି ପରସ୍ପର ସହିତ ମୁକାବିଲା କରୁଛନ୍ତି ଦିଲ୍ଲୀ କ୍ୟାପିଟାଲ୍ସ ଏବଂ ମୁମ୍ବାଇ ଇଣ୍ଡିଆନ୍ସ । ଲିଗ ପର୍ଯ୍ୟାୟରେ ପ୍ରଥମ ଦୁଇ ସ୍ଥାନରେ ରହିଥିବା ଏହି ଦୁଇ ଦଳ ଆଜି ପ୍ରଥମ ପ୍ଲେ ଅଫ୍ ମୁକାବିଲାରେ ମୁହାଁମୁହିଁ ହେଉଛନ୍ତି । ଉଭୟ ଦଳ ସମାନ ଭାବରେ ଶକ୍ତିଶାଳୀ ଜଣା ପଡୁଥିଲେ ହେଁ ବ୍ୟାଟିଂ ବିଭାଗରେ ମୁମ୍ବାଇ ଅଧିକ ଶକ୍ତିଶାଳୀ ଜଣାପଡୁଛି । ତେଣୁ ଯେଉଁ ଦଳର ବୋଲିଂ ଭଲ ରହିବ ସେହି ଦଳ ଭଲ କରିବା ନେଇ ଆଶା କରାଯାଉଛି । ଏହି ମ୍ୟାଚ ପାଇଁ ମୁମ୍ବାଇର ତିନି ଷ୍ଟାର ଖେଳାଳି ପ୍ରତ୍ୟାବର୍ତ୍ତନ କରୁଥିବାରୁ ମୁମ୍ବାଇର ପଲ୍ଳା ଅଧିକ ଭାରି ରହିବ । ଅପର ପକ୍ଷରେ ଦିଲ୍ଲୀର ଟପ ଅର୍ଡର ଫର୍ମକୁ ଫେରିବା ଦିଲ୍ଲୀ ପାଇଁ ଶୁଭ ସଙ୍କେତ । ପ୍ରତ୍ୟାବର୍ତ୍ତନ କରିଥିବା ରୋହିତ ଶର୍ମାଙ୍କ ନିକଟରୁ ମୁମ୍ବାଇ ବଡ ସ୍କୋର ଆଶାରେ ରହିବ । ସ୍ପିନ ବିଭାଗକୁ ନେଇ ମୁମ୍ବାଇ ସାମାନ୍ୟ ଚିନ୍ତାରେ ରହିପାରେ । ଗତ ହାଇଦ୍ରାବାଦ ବିପକ୍ଷ ମ୍ୟାଚରେ ଦୁଇ ସ୍ପିନର ପ୍ରବଳ ରନ ବ୍ୟୟ କରିଥିଲେ । ଉଭୟ ଦଳ ସମାନ ଭାବରେ ଶକ୍ତିଶାଳୀ ହୋଇଥିବାରୁ ଯେଉଁ ଦଳ ଆଜିର ଦିନରେ ଭଲ ପ୍ରଦର୍ଶନ କରିବ ସେ ଫାଇନାଲ ଖେଳିବା ପାଇଁ ଯୋଗ୍ୟତା ଅର୍ଜନ କରିବ । ପୂର୍ବ ମ୍ୟାଚର ଫଳାଫଳକୁ ଦେଖିଲେ ଦିଲ୍ଲୀ ଦଳ ଅପରିବର୍ତ୍ତିତ ରହିବା ପରି ପ୍ରତୀୟମାନ ହେଉଛି । ମୁମ୍ବାଇ ପକ୍ଷରୁ ବିଶ୍ରାମ ପାଇଥିବା ତିନି ଖେଳାଳି ଆଜି ପ୍ରତ୍ୟାବର୍ତ୍ତନ କରିବେ ।
