ଅର୍ବାନ୍ ଗଭର୍ଣ୍ଣାନ୍ସ ଇଣ୍ଡେକ୍ସ-୨୦୨୦ ହାତେଇଲା ଓଡିଶା
ଅର୍ବାନ୍ ଗଭର୍ଣ୍ଣାନ୍ସ ଇଣ୍ଡେକ୍ସ-୨୦୨୦ ହାତେଇଲା ଓଡିଶା
admin
5132
ଭୁବନେଶ୍ୱର : ପ୍ରଜା ଫାଉଣ୍ଡେସନ ଦ୍ଵାରା ପ୍ରକାଶିତ ସହରୀ ଶାସନ ପରିଚାଳନା ସୂଚକାଙ୍କ ୨୦୨୦ ଅନୁଯାୟୀ ଓଡିଶା ଶୀର୍ଷ ସ୍ଥାନ ଅଧିଗ୍ରହଣ କରିଛି । ଏହାପରେ ମହାରାଷ୍ଟ୍ର, ଛତିଶଗଡ ରହିଚି । ଏହି ତାଲିକାରେ ଦିଲ୍ଲୀ ୧୩ ତମ ସ୍ଥାନରେ ରହିଛି । ୨୮ଟି ରାଜ୍ୟର ୪୦ଟି ସହର ଏବଂ ଦିଲ୍ଲୀର ଏନସିଟିରେ ତିନି ବର୍ଷ ମଧ୍ୟରେ ଚାଲିଥିବା ସହରୀ ଶାସନ ସଂସ୍କାର ଅଧ୍ୟୟନ ଉପରେ ଆଧାର କରି ଏହି ରାଙ୍କିଙ୍ଗ୍ କରାଯାଇଛି । ସ୍ଥାନୀୟ ସ୍ୱୟଂ ଶାସନ ଏବଂ ତୃଣମୂଳ ଗଣତନ୍ତ୍ରର ପ୍ରକୃତ ସଶକ୍ତିକରଣ ଦୃଷ୍ଟିରୁ ଏହି ସବୁ କେଉଁ ସ୍ତରରେ ରହିଛି ତାକୁ ସୂଚାଇବା ପାଇଁ ଏହି ରାଙ୍କିଙ୍ଗ୍ କରାଯାଇଛି ।
ମଙ୍ଗଳବାର ଦିନ ପ୍ରକାଶିତ ରିପୋର୍ଟରେ ଉଲ୍ଲେଖ କରାଯାଇଛି ଯେ ସଂସଦ ସାମ୍ବିଧାନିକ ସଂଶୋଧନ ପାସ କରିବାର ୨୮ ବର୍ଷ ପରେ ମଧ୍ୟ ଗୋଟିଏ ବି ରାଜ୍ୟ ସମସ୍ତ ୧୮ଟି କାର୍ୟ୍ୟକୁ ପୌରସଂସ୍ଥାକୁ ଦେଇ ନାହାଁନ୍ତି । କାର୍ୟ୍ୟଗୁଡ଼ିକ ପୌରସଂସ୍ଥା ଗୁଡ଼ିକର କ୍ଷମତା, ପ୍ରାଧିକରଣ ଏବଂ ଦାୟିତ୍ବ ସହିତ କାର୍ୟ୍ୟ କରେ । ତେବେ ଏହି ୧୮ଟି କାର୍ୟ୍ୟରେ ସହରୀ ଯୋଜନା, ଜମି ବ୍ୟବହାର ନିୟନ୍ତ୍ରଣ, ଅର୍ଥନୈତିକ ଏବଂ ସାମାଜିକ ବିକାଶ ପାଇଁ ଯୋଜନା, ଜଳ ଯୋଗାଣ, ଅଗ୍ନିଶମ ସେବା, ସହରୀ ବନବିଭାଗ, ପରିବେଶର ସୁରକ୍ଷା ଏବଂ ପରିବେଶ ଦିଗଗୁଡିକର ପ୍ରୋତ୍ସାହନ ଅନ୍ତର୍ଭୁକ୍ତ । ଏହି ବ୍ୟବସ୍ଥାଗୁଡ଼ିକ ସ୍ଥାନୀୟ ସହରୀ ସଂସ୍ଥାଗୁଡ଼ିକର କାର୍ୟ୍ୟକ୍ଷମ ଏବଂ ଆର୍ଥିକ ସଶକ୍ତିକରଣ, ସ୍ଥାନୀୟ ଶାସନର ଗଣତାନ୍ତ୍ରିକ ବିକେନ୍ଦ୍ରୀକରଣକୁ ଫୋକସ୍ କରେ ।
ପ୍ରଜା ଫାଉଣ୍ଡେସନର ନିର୍ଦ୍ଦେଶକ ମିଲିଣ୍ଡ ମାସକେ କହିଛନ୍ତି ଯେ,ଶାସନ ପରିଚାଳନା ସୂଚକାଙ୍କ ଗଠନ ପଛରେ ଥିବା ଧାରଣା ହେଉଛି ସହରୀ ଶାସନର ବିକେନ୍ଦ୍ରୀକରଣର ସ୍ତର ବୁଝିବା । ସେ ଆହୁରି ମଧ୍ୟ କହିଛନ୍ତି, “ସୂଚକାଙ୍କରେ ର଼୍ୟାଙ୍କିଙ୍ଗ୍ ହେଉଛି ଆପେକ୍ଷିକ ର଼୍ୟାଙ୍କିଙ୍ଗ୍, କିନ୍ତୁ ଯଦି ଆମେ ସଂପୂର୍ଣ୍ଣ ସ୍କୋରକୁ ଦେଖିବା, ତେବେ ଶ୍ରେଷ୍ଠ ପାଞ୍ଚଟି ରାଜ୍ୟ ମଧ୍ୟରୁ ୫୭% ରୁ ଅଧିକ ସ୍କୋର କୌଣସି କରିନାହାଁନ୍ତି । ଏହା ଦର୍ଶାଉଛି ଯେ ସହରାଞ୍ଚଳ ଶାସନ ସଂସ୍କାର ଏବଂ ସମଗ୍ର ଭାରତରେ ସରକାରୀ ସହର ସଶକ୍ତିକରଣର ଆବଶ୍ୟକତା ରହିଛି" ।
