ଅଢେଇ ମାସିଆ ଭାରତ ଗସ୍ତରେ ଆସିବ ଇଂଲଣ୍ଡ : ଅହମ୍ମଦାବାଦରେ ଖେଳାଯିବ ଦିବାରାତ୍ର ଟେଷ୍ଟ
ଅଢେଇ ମାସିଆ ଭାରତ ଗସ୍ତରେ ଆସିବ ଇଂଲଣ୍ଡ : ଅହମ୍ମଦାବାଦରେ ଖେଳାଯିବ ଦିବାରାତ୍ର ଟେଷ୍ଟ
admin
2675
ନୂଆଦିଲ୍ଲୀ : ୨୦୨୧ରେ ଇଂଲଣ୍ଡ ଦଳ ଭାରତ ଗସ୍ତରେ ଆସୁଛି । ଦୀର୍ଘ ୧୦ ମାସ ପରେ ଭାରତ ମାଟିରେ କ୍ରିକେଟ ଖେଳାଯିବ । ଏହି ଗସ୍ତରେ ଇଂଲଣ୍ଡ ଦଳ ୪ଟି ଟେଷ୍ଟ ମ୍ୟାଚ, ୩ଟି ଦିନିକିଆ ଏବଂ ୫ଟି ଟି୨୦ ମ୍ୟାଚ ଖେଳିବ । ଗୁରୁବାର ବିସିସିଆଇ ସମ୍ପାଦକ ଜୟ ଶାହା ଏହି ସୂଚନା ଦେଇଛନ୍ତି । ଜାନୁୟାରୀରୁ ମାର୍ଚ୍ଚ ମଧ୍ୟରେ ପ୍ରାୟ ଅଢେଇ ମାସର ଏହି ଗସ୍ତ ରହିବ । ଫେବୃୟାରୀ ୭ ତାରିଖରୁ ଟେଷ୍ଟ ଶୃଙ୍ଖଳା ଆରମ୍ଭ ହେବ । ତେବେ ସିରିଜର ତୃତୀୟ ଟେଷ୍ଟ ମ୍ୟାଚ ଦିବରାତ୍ର ଖେଳାଯିବ । ଫେବୃୟାରୀ ୨୪ ତାରିଖରେ ଅହମ୍ମଦାବାଦର ମୋଟେରା ଷ୍ଟାଡିୟମରେ ଏହି ଟେଷ୍ଟ ମ୍ୟାଚ ଖେଳାଯିବ ।
ସେହିପରି ସମସ୍ତ ୫ଟି ଯାକ ଟି୨୦ ମ୍ୟାଚ ମୋଟେରାରେ ଖେଳାଯିବ । ଟି ୨୦ ବିଶ୍ୱକପ ପୂର୍ବରୁ ଏହି ମ୍ୟାଚରେ ଭାରତକୁ ଭଲ ମ୍ୟାଚ ଅଭ୍ୟାସ ମିଳିବ ବୋଲି ଜୟ ଶାହା ମତ ଦେଇଛନ୍ତି । ଆସନ୍ତା ଅକ୍ଟୋବର-ନଭେମ୍ବରରେ ଟି ୨୦ ବିଶ୍ୱକପ ଅନୁଷ୍ଠିତ ହେବ । ଉଲ୍ଲେଖଯୋଗ୍ୟ ଯେ, ଭାରତ ବର୍ତ୍ତମାନ ଭାରତ ଅଷ୍ଟ୍ରେଲିଆରେ ଟେଷ୍ଟ ସିରିଜ ଖେଳିବାକୁ ଯାଉଛି । ଅଷ୍ଟ୍ରେଲିଆ ସିରିଜ ସମାପ୍ତ ହେବା ପରେ ଭାରତୀୟ ଦଳ ଇଂଲଣ୍ଡ ସହିତ ସିରିଜ ଖେଳିବ ।
