ଅଗଷ୍ଟରେ ଦେଶର ସଂକ୍ରମଣ ବିଶ୍ୱରେ ସର୍ବାଧିକ

Sep 2, 2020 - 10:38 Updated: Sep 2, 2020 - 10:38

2578

ନୂଆଦିଲ୍ଲୀ: ଅଗଷ୍ଟ ମାସରେ ଦେଶରେ ପ୍ରାୟ ୨୦ ଲକ୍ଷ ସଂକ୍ରମଣ ମାମଲା ରିପୋର୍ଟ କରାଯାଇଛି । ମହାମାରୀ ଆରମ୍ଭ ହେବା ପରଠାରୁ ଏଯାବତ କୌଣସି ମାସରେ କୌଣସି ଦେଶର ସଂକ୍ରମଣ ମାମଲା ଏତେ ଅଧିକ ରହି ନାହିଁ । ଦେଶର ଅଗଷ୍ଟ ସଂକ୍ରମଣ ବିଶ୍ୱରେ ସର୍ବାଧିକ । ଅଗଷ୍ଟ ମାସରେ ଦେଶରେ କରୋନା ମୃତୁ୍ୟ ମଧ୍ୟ ବୃଦ୍ଧି ପାଇଛି । କେବଳ ଅଗଷ୍ଟରେ ୨୮ ହଜାର ୮୫୯ ଜଣଙ୍କ କରୋନାରେ ମୃତୁ୍ୟ ହୋଇଛି । ଗତ ମାସରେ ମୃତୁ୍ୟସଂଖ୍ୟା ତୁଳନାରେ ଏହା ୫୦ ପ୍ରତିଶତ ଅଧିକ । ଅଗଷ୍ଟରେ ଭାରତର ମୋଟ ୧୯ ଲକ୍ଷ ୮୭ ହଜାର ୭୦୫ ସଂକ୍ରମଣ ମାମଲା ରିପୋର୍ଟ କରାଯାଇଛି । ଏହା ଆମେରିକାର ଜୁଲାଇ ମାସର ସଂକ୍ରମଣଠାରୁ ମଧ୍ୟ ଅଧିକ । ଜୁଲାଇରେ ଆମେରିକାରେ ମୋଟ ୧୯ ଲକ୍ଷ ୪ ହଜାର ୪୬୨ ସଂକ୍ରମଣ ମାମଲା ଚିହ୍ନଟ ହୋଇଛି । କିନ୍ତୁ ଅନ୍ୟପକ୍ଷେ ଭାରତ ତୁଳନାରେ ଆମେରିକା ଏବଂ ବ୍ରାଜିଲରେ ଅଗଷ୍ଟ ମାସରେ ମୃତୁ୍ୟ ସଂଖ୍ୟା ଅଧିକ ରହିଛି । ଆମେରିକାରେ ଅଗଷ୍ଟ ୩୦ ସୁଦ୍ଧା ୩୧ ହଜାର ମୃତୁ୍ୟ ହୋଇଥିବା ବେଳେ ବ୍ରାଜିଲରେ ଅଗଷ୍ଟରେ ୨୯ ହଜାର ୫୬୫ ଜଣଙ୍କ କରୋନାରେ ମୃତୁ୍ୟ ହୋଇଛି ।