ଅକ୍ସଫୋର୍ଡ ବୈଜ୍ଞାନିକ ତିଆରି କଲେ କରୋନା ଆଣ୍ଟିବଡ଼ି କିଟ୍, ୨୦ ମିନିଟରେ ମିଳିବ ରିପୋର୍ଟ
ଅକ୍ସଫୋର୍ଡ ବୈଜ୍ଞାନିକ ତିଆରି କଲେ କରୋନା ଆଣ୍ଟିବଡ଼ି କିଟ୍, ୨୦ ମିନିଟରେ ମିଳିବ ରିପୋର୍ଟ
admin
2840
ଲଣ୍ଡନ: ଅକ୍ସଫୋର୍ଡ ବୈଜ୍ଞାନିକମାନେ ନୂଆ ଆଣ୍ଟିବଡ଼ି ଟେଷ୍ଟ କିଟ୍ ବିକାଶ କରିଛନ୍ତି । ଏହା ୨୦ ମିନିଟରେ ରୋଗୀର ନମୁନା ପଜିଟିଭ କି ନେଗେଟିଭ ତାହା ଦର୍ଶାଇ ପାରିବ ବୋଲି ସେମାନେ ଦାବି କରିଛନ୍ତି । ବ୍ରିଟେନରେ ଖୁବଶୀଘ୍ର ୧୦ ଲକ୍ଷ କିଟ୍ ଉତ୍ପାଦନ କରାଯିବ । କୋଭିଡ-୧୯ ବିରୋଧରେ ଚାଲିଥିବା ଯୁଦ୍ଧ ପାଇଁ ଏହା ‘ଗେମ ଚେଞ୍ଜର’ ହୋଇପାରେ ବୋଲି ଆଶା କରାଯାଉଛି । ବ୍ରିଟେନ ବୈଜ୍ଞାନିକଙ୍କ ଏଭଳି କୃତିତ୍ୱ ଯୋଗୁଁ କରୋନାକୁ ମାତ ଦିଆଯାଇପାରିବ ବୋଲି କୁହାଯାଉଛି । ଏହି ରାପିଡ ଟେଷ୍ଟ କିଟ୍ ଦ୍ୱାରା ଲୋକମାନଙ୍କର ଶୀଘ୍ର ନମୁନା ପରୀକ୍ଷା କରାଯାଇପାରିବ । ଫଳରେ ସଙ୍ଗେ ସଙ୍ଗେ ଚିକିତ୍ସା ସେବା ଯୋଗାଇବା ସମ୍ଭବ ହେବ । ଏହି ଟେଷ୍ଟ କିଟର ମୂଲ୍ୟ ୧୦ ପାଉଣ୍ଡ ରହିପାରେ । ପ୍ରଧାନମନ୍ତ୍ରୀ ବୋରିସ ଜନସନ ଇତିମଧ୍ୟରେ କରୋନାରୁ ଆରୋଗ୍ୟଲାଭ କରିଛନ୍ତି । ଆଜି ସେ କାର୍ଯ୍ୟରେ ଯୋଗ ଦେବେ । ମିଳିଥିବା ସୂଚନା ମୁତାବକ ବ୍ରିଟେନର ମନ୍ତ୍ରୀମାନେ ୫ କୋଟି ନୂଆ ଇମ୍ୟୁନିଟି ଟେଷ୍ଟ କିଟ ଉତ୍ପାଦନ ପାଇଁ ନିର୍ଦ୍ଦେଶ ଦେଇଛନ୍ତି ।
