28ଟି ଚୋରି ବାଇକ୍ ସହ 2 ଅଭିଯୁକ୍ତ ଗିରଫ
Arpit Pattnaik
5195
ସମ୍ବଲପୁର ଅଇଁଠାପାଲି ଥାନା ଅଞ୍ଚଳରେ ଏକ ସ୍କୁଟି ଚୋରି ଘଟଣା ନେଇ ତଦନ୍ତ କରି ପୋଲିସ ଏକ ବାଇକ୍ ଚୋର ଗ୍ୟାଙ୍କର 2 ଅଭିଯୁକ୍ତଙ୍କୁ ଗିରଫ କରିଛି ପଲୁସି । ଏହାସହ ଗିରଫ ଅଭିଯୁକ୍ତମାନଙ୍କ ଠାରୁ 28 ଗୋଟି ଚୋରି ବାଇକ୍ କୁ ଉଦ୍ଧାର କରାଯାଇଛି । ଏହି ଘଟଣାରେ ପୋଲିସ ଏକ ଘରୋଇ ବସରେ କଣ୍ଡକ୍ଟର ଭାବରେ କାର୍ଯ୍ୟ କରୁଥିବା ରାମ କୁମାର ପଣ୍ଡା ଓ ତାଙ୍କ ସହଯୋଗୀ ସାରୁଦୁଲ ଗାଇଗୋରିଆ ନାମକ 2 ଜଣ ଅଭିଯୁକ୍ତ ଗିରଫ କରିଥିବା ନେଇ ଅତିରିକ୍ତ ଏସପି ଅଜୟ ମିଶ୍ର ଅଇଁଠାପାଲି ଥାନାରେ ଗଣମାଧ୍ୟମକୁ ସୁଚନା ଦେଇଛନ୍ତି । ଅଭିଯୁକ୍ତ ମାନେ ଅତି ଚତୁରତା ସହ ସମ୍ବଲପୁର,ବଉଦ୍ ଓ ସୁବର୍ଣ୍ଣପୁର ସହର ଠାରୁ ଲୋକଙ୍କ ବାଈକ ଗୁଡ଼ିକ ଚୋରି କରି ବିଭିନ୍ନ ଅଞ୍ଚଳରେ ଏହାକୁ ବିକ୍ରି କରୁଥିଲେ । ତେବେ ଅଭିଯୁକ୍ତଙ୍କୁ ଗିରଫ ପରେ ସେମାନେ ଯୁଯୋମୁରା ଜରାଙ୍ଗ ଜଙ୍ଗଲରେ ଲୁଚାଇଥିବା ଚୋରି ବାଇକ୍ କୁ ପୋଲିସ ପକ୍ଷରୁ ଉଦ୍ଧାର କରାଯାଇଛି ।
